टेकराज भुसाल,अर्घाखाँची ।
अर्घाखाँची जिल्लाको भूमिकास्थान नगरपालिका वडा नम्बर १ र २ को ढाकावाङमा रहेको जनचेतना महिला कृषि सहकारी संस्थालाई छ वटा बोयर बोका, पाँच थान डिजिटल तौल मेसिन, एक थान मकै छोडाउने मेसिन, एक थान हाते ट्याक्टर र एक थान पानी तान्ने मोटर वितरण कार्यक्रम सम्पन्न भएको छ ।
जनचेतना सरोकार मञ्चको सहजीकरण र ओक्स्फाम नेपालको प्राबिधिक सहयोगमा चार लाख बराबरका बोका तथा कृषि औजार जनचेतना महिला कृषि सहकारी संस्थालाई प्रदान गरेको कार्यक्रम संयोजक युवराज ज्ञवालीले जानकारी दिनुभएको छ।
भूमिकास्थान नगरपालिकाका नगर प्रमुख रेशम थापाको प्रमुख आतित्यता तथा भूमिकास्थान नगरपालिका २ नम्बर वडाका वडा अध्यक्ष बुद्धिबहादुर थापा, भूमिकास्थान नगरपालिका कृषि शाखा प्रमुख रामबहादुर थापा र जनचेतना महिला कृषि सहकारी संस्थाकी अध्यक्ष सिर्जना थापाको विशेष उपस्थितिमा बोका तथा कृषि औजारहरू वितरण गरिएको बताइएको छ ।
