काठमाडौँ । प्रगतिशील पत्रकार सङ्घको बागमती प्रदेश समिति गठन भएको छ ।
सङ्घका अध्यक्ष उदय जिएमको प्रमुख आतिथ्यता तथा राष्ट्रिय जनमोर्चाका पूर्व केन्द्रीय सचिव कृष्ण अधिकारीको विशिष्ट आतिथ्यतामा २०७७ फागुन २४ गते सम्पन्न भेलाद्वारा सो समिति गठन गरिएको हो ।
नेकपा (मसाल) का प्रवक्ता रामप्रकाश पुरी र राजमो नेता आनन्द शर्मासमेतको आतिथ्यता रहेको उक्त कार्यक्रमको अध्यक्षता रमेश पौडेलले, सञ्चालन प्रकाश थापामगरले र स्वागत भक्त विकले गर्नुभएको थियो ।
भेलाले गठन गरेको प्रदेश समितिमा अध्यक्ष रमेश पौडेल (काठमाडौँ) रहनुभएको छ भने उपाध्यक्षमा घनश्याम अधिकारी (वैरागी जेठा–काठमाडौँ), सचिवमा लक्ष्मणदेव पाण्डे (काठमाडौँ), सहसचिवमा गोविन्दकुमार शर्मा (काठमाडौँ) र कोषाध्यषमा विष्णुहरि तिमिल्सिना (सिन्धुपाल्चोक) रहनुभएको छ । त्यसैगरी सदस्यमा भक्त विक (काठमाडौँ), अरुण थिङ (मकवानपुर), सुमन आचार्य (चितवन) र ज्ञानेन्द्र तिमिल्सना (सिन्धुपाल्चोक) रहनुभएको छ ।
भेलाले आसन्न पत्रकार महासङ्घको चुनावका लागि वार्ता अगाडि बढाउने तथा जिल्लास्तरमा प्रगतिशील पत्रकार सङ्घको सङ्गठनात्मक गतिविधि घनीभूत बनाउने निर्णय गरेको नवनिर्वाचित प्रदेश समितिका अध्यक्ष रमेश पौडेलले बताउनुभयो ।
