बुटवल । अखिल नेपाल ट्रेड युनियन महासंघ (अन्टुक) का कार्यबहाक अध्यक्ष लोकराज भुसालले रुपन्देहीको सैनामैना–१ स्थित सैनानैना पर्रोहा परमेस्वर नमुना माध्यमिक विद्यालयका विद्यार्थीहरुलाई छात्रवृत्ति प्रदान गर्नुभएको छ ।
स्वर्गीय आमा बुवा टुमकला भुसाल र चुरामणी भुसालको स्मृतिमा स्थापना गरिएको ‘चुरामणी–टुमकला’ स्मृति अक्षयकोषबाट विद्यालयमा अध्ययनरत चारजना जेहेन्दार छात्रछात्राहरुलाई छात्रवृत्ति प्रदान गरिएको हो ।
बिहीबार विद्यालयको ४७ औँ वार्षिकोत्सव तथा अभिभावक दिवसको अवसरमा कोषका संरक्षकसमेत रहेका लोकराज भुसालसहित लुम्बिनी प्रदेस सभा सदस्य भोजप्रसाद श्रेष्ठ र कमला विश्वकर्माले संयुक्त रुपमा विद्यार्थीहरुलाई सहयोग हस्तान्तरण गर्नुभयो ।
कक्षा ३ मा अध्ययनरत छात्र वसन्त क्षेत्री, कक्षा ५ मा अध्ययनरत छात्रा श्रृष्टि पौडेल, कक्षा १० मा अध्यनरत छात्रा दुर्गा खनाल र कक्षा ११ मा अध्यनरत छात्रा सर्मिला गुरुङलाई अक्षयकोषबाट नगद पुरस्कार तथा आगामी शैक्षिकसत्रमा निशुल्क अध्ययन गर्न पाउने गरि छात्रवृति प्रदान गरिएको हो ।
