तिलक थापा, बागलुङ ।
राष्ट्रिय जनमोर्चा साबिक काँडेबास गाउँ समितिका सचिव गोबिन्द कँडेलप्रति राजमो गलकोट नगरपालिका–८ काँडेबास वडा समितिले श्रद्धाञ्जली अर्पण गरेको छ ।

७१ वर्षीय कँडेलको फागुन ३ गते निधन भएको थियो । उहाँको निधनप्रति शोक व्यक्त गर्दै मंगलबार नवौं दिनमा श्रद्धाञ्जली कार्यक्रम आयोजना गरिएको हो ।

कार्यक्रममा राष्ट्रिय जनमोर्चा गलकोट नगर सदस्य नारायण सापकोटा, अखिल (छैठौं) बागलुङका सल्लाहकार मनिष कँडेल, राष्ट्रिय जनमोर्चा काँडेबासका अध्यक्ष श्याम सुनार, सचिव चुरामणि कँडेल, राजमो मल्मका अध्यक्ष रुमाकान्त गौतम लगायतले श्रद्धाञ्जली दिनु भएको थियो ।

निधन भएका कँडेलका दुई छोरा राजमोमा सक्रिय हुनुहुन्छ । छोरा अमृत कँडेल संगठनको बागलुङ जिल्ला समितिकका पूर्वजिल्ला सदस्य तथा आशिष कँडेल साबिक गलकोट एरियाका पूर्वसचिव हुनुहुन्छ ।