मनिराम खनाल/दाङ ।।
राष्ट्रिय जनमोर्चा दाङका पूर्व जिल्ला सदस्य सन्तबहादुर विकको निधन भएको छ । लामो समयदेखि दमको समस्याबाट ग्रस्त सन्तबहादुर विकको गत राती उपचारकै क्रममा घोराहीस्थित राप्ती विज्ञान प्रतिस्ठानमा निधन भएको हो ।

उहाँको दाहसंस्कार आर्ज बबइखोलामा गरिएको छ । बबइखोलामा नेकपा (मसाल) को झन्डा ओढाइनुका साथै राजमो दाङका अध्यक्ष गणेश आचार्यले उहाँको योगदाबारे सङ्क्षिप्तमा चर्चा गर्नुभएको थियो ।

नेकपा (मसाल) का पार्टी सदस्य रहनुभएका सन्तबहादुर विकको टेक नाम (क. सुन्दर) रहेको नेकपा (मसाल) दाङका प्रवक्ता भरत भण्डारीले जानकारी गराउनुभयो ।

‘उहाँ हाम्रो पार्टीमा अविचलित रूपमा निरन्तर खटिरहने एक योद्धा हुनुहुन्थ्यो’ प्रवक्ता भण्डारीले भन्नुभयो– ‘उहाँको निधनबाट हाम्रो पार्टी अत्यन्तै मर्माहत भएको छ ।’