काठमाडौँ । अखिल नेपाल शिक्षक सङ्घका केन्द्रीय सदस्य तथा राष्ट्रिय जनमोर्चाका नेता कपिलदेव खनाल सडक दुर्घघटना पर्नुभएको छ ।
आज २०७७ फागुन ६ गते बिहान दाङको गढवाबाट घोराही जाने क्रममा खनाल दुर्घटनामा पर्नुभएको हो । दुर्घटनाका कारण उहाँको खुट्टा तीन स्थानबाट भाच्चिएको दाङबाट युगदर्शनका संवाददाता महेश रिजालले जानकारी गराउनुभएको छ ।
सङ्गठनको कामको सिलसिलामा मोटरसाइकलमा यात्रा गरिरहेका बेला लमही–घोराही सडकखण्डको बेल्दमार खण्डमा स्कार्पियोको ठक्करबाट उहाँ सख्त घाइते हुनुभएको हो ।
उहाँलाई पहिले बुटवलको चौराहास्थित अस्पतालमा उपचार भइरहेको थियो । हाल थप उपचारका लागि काठमाडौँ ल्याउने तयारी भइरहेको छ ।
कपिलदेव खनाल राष्ट्रिय जनमोर्चा जिल्ला समिति दाङको सदस्य तथा राजमो गढवा गाउँपालिका समितिको अध्यक्ष पनि रहनुभएको छ ।
उहाँ गत २०७४ सालको निर्वाचनमा दाङ क्षेत्र नं. १ बाट प्रतिनिधि सभा सदस्यको उम्मेदरवारसमेत रहनुभएको थियो ।
