दिनेश रैदास, दाङ ।
हुलाकी राजमार्ग निर्देशनालय टेको काठमाडौंको एक उच्च स्तरीय टोलीद्वारा हुलाकी राजमार्ग सडक खण्डको अवलोकन गरेको छ । देउखुरी कालाकाटे देखि गढवा,राजपुरको जङ्ग्रहवा सम्म ३६ किमी र जङ्ग्रहवा देखि राजपुर गाउँपालिकाको पश्चिमी सिमाना हाडबास सडकखण्डको स्थलगत अवलोकन गरिएको हो।

कालकाटे देखि जङ्ग्रहवासम्म ३६ किलोमिटर उक्त हुलाकी राजमार्ग दुई प्याकेजमा निर्माण भइरहेको छ भने जङ्ग्रहवा देखि हाडबास् सम्म २० किलोमिटरको दूरीमा वन मन्त्रालयको वातावरण प्रभाव मूल्यांकन (IEA र EAI) सहमति नमिल्दा सडकखण्ड निर्माणकालागि टेन्डर हुन सकेको छैन।

यसैकारण उक्त सडकखण्डको बाकी निर्माण कार्य छिट्टै सुचारु गर्न सहज हुने हेतुले उच्च स्तरीय टोलीले स्थलगत अनुगमन गरेको छ । उच्च स्तरीय टोलीमा हुलाकी राजमार्ग निर्देशनालय टेको काठमाडौंका उपासचिव मुक्तिनाथ न्यौपानेको नेतृत्वमा, उच्चस्तरीय टोलीमा सोही निर्देशनालयका इन्जिनियर सजना अधिकारी, लेखापाल चेतविक्रम अधिकारी र हुलाकी राजमार्ग सडक आयोजना कार्यालय नेपालगंजका प्रमुख गागल भण्डारी, इन्जिनियर सुनिल कुमार गुप्ता सहभागी हुनुहुन्थ्यो ।

टोली कालकाटे, गढवा,बेला,राजपुर, गंगदि देखि पश्चिम सिक्टा, कुरुवाखोला, गोठुवा हुँदै हाडबास सम्म पुगेको थियो। टोलीलाई सञ्चारकर्मी महेश रिजालले अगुवाई गरी त्यहाँ पुर्याउन मद्दत गर्नु भएको थियो । उच्च स्तरीय टोली हाडबास पुग्दा टोल समितिका संयोजक टेकबहादुर डाँगी लगायत स्थानीय गाउँलेहरुले स्वागत गरेका थिए।

उक्त उक्त सडकखण्डको गोठुवा देखि हाडबाससम्म तत्कालीन राष्ट्रिय जनमोर्चाका माननीय संसद मिना पुनको संसद विकास कोषको रु सात लाख (७,००,०००)को लगानीमा अर्थिक वर्ष ०७१र७२ मा फर्स्ट ट्रयाक खन्ने कार्य भएको थियो दाङको हादबास र बाँकेको खोक्री हुँदै राप्तीसुनारी गाउँपालिका बाँके भित्र ४० किलोमिटर र दाङको राजपुर गाउँपालिका जङ्ग्रहवा देखि हाड़बास सम्म २० किलोमिटर गरी ६० किलोमीटर निर्माण कार्यका लागि टेन्डर प्रक्रिया अगाडि बढाइने उपसचिव न्यौपानेले जानकारी गराउनुभएको छ।