धनगढी । अखिल नेपाल किसान महासङ्घ (अप्फा) को कैलाली जिल्ला समिति पुनर्गठन गरिएको छ । किसान महासङ्घका केन्द्रीय सदस्य हरिकृष्ण पाण्डेको प्रमुख आतिथ्यतामा आयोजित भेलाद्वारा समिति पुनर्गठन भएको हो ।
भेलाले राजबहादुर शाहीको अध्यक्षता मा ११ सदस्यीय जिल्ला समिति गठन गरेको छ । समितिको उपाध्यक्षमा राजबहादुर तिरुवा, सचिवमा जयबहादुर विक, सहसचिवमा पवित्रा विष्ट र कोषाध्यक्षमा शिवराज जोशी चयन हुनुभएको छ । त्यस्तै, सदस्यहरूमा धु्रव शाह, खगेन्द्र बुढा, गोपाल शाही, राजेन्द्र शाही, देवमनी न्यौपाने र लालबहादुर ताम्राकार रहनुरहनुभएको छ ।
भेलालाई वामपन्थी नेता आरसी भट्ट, राष्ट्रिय जनमोर्चाका केन्द्रीय सदस्य तथा सुदूरपश्चिमका अध्यक्ष नन्दराज भट्ट, जातीय समता समाजका केन्द्रीय सदस्य तथा सुदुरपश्चिम संयोजक तिलक परियार, अखिल नेपाल जनजाति सम्मेलनका केन्द्रीय सदस्य खडक राना, राजमो केन्द्रीय सदस्य लोकेन्द्र लम्साल, मूल प्रवाह अखिल भारत नेपाली एकता समाजका केन्द्रीय उपाध्यक्ष हिरासिह चन्द, किसान नेता चन्द्रबहादुर विष्टलगायत नेताहरूले भेला सफलताको शुभकामना दिनुभएको थियो ।
जयबहादुर विकको सञ्चालनबाट अघि बढेको उक्त भेलामा राजबहादुर शाहीको अध्यक्षता रहेको थियो ।
