बागलुङ । जैमिनी नगरपालिका–७ जैदीको बगै, बजिनी हर्देवामा अखिल नेपाल युवक संघको टोल भेला सम्पन्न भएको छ । युवक संघका गण्डकी प्रदेश सचिव संजाल शर्माको बिषेश उपस्थितिमा मंगलबार सम्पन्न भेलाले खेम बहादुर पुनको अध्यक्षतामा ११ सदस्यीय जैमिनी नगरपालिका–७ बगै, बजिनी–हर्देवा टोल समिति गठन गरेको छ ।
समितिको उपाध्यक्षमा मीन बहादुर जिसी, सचिव चित्रा जिसि (लक्ष्मी), सहसचिव कुल बहादुर दर्जी र कोषाध्यक्षमा मधु जिसी परियार चयन हुनु भएको छ । सदस्यहरुमा इन्द्रा कुमारी जिसी, रुपा नेपाली, जीवन जिसी, गोमा पुन रहनुभएको छ भने हाललाई २ स्थान रिक्त राखिएको छ ।
भेलामा युवक संघका प्रदेश सचिव शर्माले संक्षिप्त मन्तव्य राख्दै युवाहरु समाजको बलियो शक्ति भएका कारण समाजमा भएका अन्याय, अत्याचार, शोषण र भ्रष्टाचार आदिको सशक्त भन्डाफोर गर्न र समाज रुपान्तरणमा बिशेष भूमिका खेल्न तथा उद्यमशीलतामा ध्यान दिनसमेत आग्रह गर्नु भयो ।
इन्द्रा कुमारी जिसीको अध्यक्षतामा सुरु भएको कार्यक्रमलाई रमेश विकले सञ्चालन गर्नुभएको थियो । भेलामा उपस्थित सबैलाई युवक संघको सद्स्यता वितरण समेत गरिएको थियो ।
