तौलिहवा । अखिल नेपाल किसान महासङ्घ (अप्फा) कपिलवस्तुले प्रतिनिधि सभा विघटनको विरोध गरेको छ ।
२०७७ पुस १३ गते किसान महासङ्घको अध्यक्ष भैरवराज रेग्मी र उपाध्यक्ष शिव पौडेलको विशेष उपस्थितिमा बसेको बैठकद्वारा सो निर्णय गरिएको हो ।
जिल्लाध्यक्ष मुक्तिराम न्यौपानेको अध्यक्षतामा बसेको उक्त बैठकले किसानका माग पूरा गराउन चलाइने आन्दोलनलाई संसद पुनस्र्थापनाको मागसँग जोड्दै आगामी माघ २५ गते किसान र्याली र सभा गर्ने निर्णय भएको अध्यक्ष मुक्तिराम न्यौपानेले जानकारी दिनुभएको छ । उहाँका अनुसार पालिकास्तरमा किसान महासङ्घको नेतृत्वमा जुलस र सभा सम्पन्न गर्ने पनि निर्णय भएको छ ।
त्यसैगरी बैठकले हरिमाया भण्डारीको संयोजकत्वमा प्रेमकला खत्री, लक्ष्मी पोखरेलसहितको महिला विभाग गठन गरिएको छ । सो विभागको आयोजनामा आगामी माघ १५ गते प्रशिक्षण कार्यक्रम राखिएको पनि प्राप्त समाचारमा जनाइएको छ ।
