माधव खनाल, प्युठान ।
राष्ट्रिय जनमोर्चाले प्युठानको मल्लरानी गाउँपालिका वडा नं ३ का टोल टोलमा संगठन निर्माण सुरु गरेको छ । शनिबार बुढीदेवीमा आयोजित वडा भेलाले संगठन विस्तारको सुरुवात गरेको हो ।
कार्यक्रमलाई सम्बोधन गर्दै मल्लरानी गाउँपालिका अध्यक्ष सुर्यबहादुर नेपालीले प्रधानमन्त्री केपी शर्मा ओलीले चालेको कदम गैरसंवैधानिक भएको बताउँदै त्यस विरुद्ध आम जनता संघर्षमा उत्रन आह्वान गर्नुभयो ।
भेलालाई अखिल नेपाल शिक्षक संघका महासचिव चक्रपाणी पौडेल, राष्ट्रिय जनमोर्चा मल्लरानी गाउँपालिका सदस्य तथा वडा नम्बर ३ का वडाअध्यक्ष गिरिराज पौडेल, अखिल नेपाल महिला संघ मल्लरानी–३ की अध्यक्ष पवित्रा पौडेल, अखिल नेपाल किसान संघका कृष्ण पौडेललगायतले सम्बोधन गर्नुभएको थियो ।
राष्ट्रिय जनमोर्चा मल्लरानी ३ का अध्यक्ष बोधिप्रसाद पोख्रेलको अध्यक्षतामा सम्पन्न कार्यक्रमलाई दिर्घबहादुर रानाले स्वागत र ऋषिराम पौडेलले सञ्चालन गर्नु भएको थियो ।
