ईन्द्रमणि पाण्डे, बागलुङ ।
राष्ट्रिय जनमोर्चा बागलुङले ढोरपाटनका विभिन्न वडाको संयुक्त अगुवा कार्यकर्ता भेला शनिबार सम्पन्न गरेको छ । ढोरपाटन नगरपालिका वडा नं ५,६,७,८,र९ को अगुवा कार्यकर्ताको प्रशिक्षण भेला ढोरपाटन नगरपालिका–७ मा आयोजना गरिएको हो ।
कार्यक्रममा राष्ट्रिय जनमोर्चाका राष्ट्रिय षरिषद सदस्य गौरीश्वर पाण्डेले संघीयता, भष्टाचारले जनतामा पारेको नकारात्मक प्रभाव तथा बर्तमान सरकारले चालेको कदमले उत्पन्न राजनितिक संकट लगायतको बिषयमा प्रशिक्षण दिनु भएको थियो ।
त्यस क्रममा नेता पाण्डेले देश चाहेर वा नचाहेर पनि राष्ट्रिय जनमोर्चाको एजेण्डाबिना चल्न नसक्ने भन्दै सबै समस्याको समाधानको मूल सुत्र नै संघीयताको खारेजी र तत्काल संसद पुनर्स्थापनाको विकल्प नरहेको बताउनु भयो ।
कार्यक्रममा राष्ट्रिय जनमोर्चा बागलुङका सदस्य पनबहादुर विक, अखिल नेपाल शिक्षक संघ बागलुङका उपाध्यक्ष दुर्गा भण्डारी लगायतका अन्य नेताहरु उपस्थिति रहेको थियो ।
राष्ट्रिय जनमोर्चा ढोरपाटन नगर समितिका अध्यक्ष दिपक थापाको अध्यक्षता, शिक्षक प्रतिनिधि बोमबहादुर बुढाको सन्चालन र राष्ट्रिय जनमोर्चा बागलुङका सदस्य धनबहादुर अदैको स्वागत मन्तव्यमा कार्यक्रम सम्पन्न भएको थियो ।
