डडेलधुरा । अखिल नेपाल राष्ट्रिय स्वतन्त्र विद्यार्थी युनियन (छैठौं) ले विश्व कम्युनिस्ट आन्दोलनका महान् गुरु एवम् चिनियाँ कम्युनिस्ट नेता माओत्सेतुङको १२८ औँ जन्मदिवस मनाएको छ ।
अखिल (छैठौं) डडेलधुरा जिल्ला समितिको आयोजनामा डडेल्धुराको गन्यापधुरा गाउँपालिकाको वडा नं. १ स्थित सरस्वती माविमा उक्त कार्यक्रम सम्पन्न भएको हो ।
कार्यक्रममा बोल्दै प्रमुख अतिथि राष्ट्रिय जनमोर्चा केन्द्रीय सदस्य लालबहादुर जाग्रीले समसामयिक राजनीति, विश्व कम्युनिस्ट आन्दोलनमा माओको योगदानलगायत विषयमा आफ्नो विचार राख्नुभएको थियो ।
कार्यक्रममा अखिल (छैठौं) बझाङका अध्यक्ष भरत धामीले पनि सम्बोधन गर्नुभएको थियो ।
अखिल (छैठौं) डडेलधुराका जिल्लाध्यक्ष टङ्क अवस्थीको सभापतित्व रहेको सो कार्यक्रममा स्वागत अखिल (छैठौं) का जिल्ला सहसचिव जनक तिमिल्सिनाले, सञ्चालन जिल्ला सचिव कर्म जोशीले गर्नुभको थियो ।
