गणेश अधिकारी/पोखरा ।।
राष्ट्रिय जनमोर्चा कास्कीले आज पोखरामा एक कार्यक्रम गरी १२८औँ माओदिवस मनाएको छ ।
कार्यक्रमको प्रमुख अतिथि राजमो गण्डकी प्रदेशका अध्यक्ष शङ्कर बराल हुनुहुन्थ्यो । कार्यक्रमलाई सम्बोधन गर्दै उहाँले माओ विचारधारा अहिलेको सन्दर्भमा पनि उत्तिकै महत्त्वपूर्ण रहेको बताउनुभयो । ‘नेपालजस्तो अर्धसामन्ती र अर्धऔपनिवेशिक देशमा नयाँ जनवादी क्रान्ति गर्नका लागि माओत्सेतुङको विचारधारा र योगदान पुर्याएको मात्रै होइन’ उहाँले भन्नुभयो– ‘विश्व सर्वहारा क्रान्तिको पक्षमा पनि माओत्सेतुको विचारधारा उच्चस्तरीय योगदान छ ।’
सो अवसरमा नेकपा (मसाल) कास्कीका प्रवक्ता चन्द्रबहादुर केसी, राष्ट्रिय जनमोर्चा कास्कीका सल्लाहकार गिरबहादुर कुँवर, अखिल (छैठौं) का केन्द्रीय उपाध्यक्ष गणेश अधिकारी, अखिल नेपाल राष्ट्रिय उद्योग व्यापार सङ्घघ केन्द्रीय सदस्य सन्तोष पौडेल, अखिल नेपाल किसान महासङ्घका जिल्ला अध्यक्ष गङ्गबहादुर थापा, राष्ट्रिय जनमोर्चा पोखरा नगर समितिका सचिवलगाएका नेताहरूले पनि सम्बोधन गर्नुभएको थियो ।
कार्यक्रमकोको अध्यक्षता राष्ट्रिय जनमोर्चाका अध्यक्ष रविमोहन ढकालले गर्नुभएको थियो ।
सहिदको सम्मानमा एक मिनट मौनधारसहित अगाडि बढेको उक्त कार्यक्रमको सञ्चालन राष्ट्रिय जनमोर्चाका जिल्ला सहसचिव विक्रम थापाले गर्नुभएको थियो ।
