जुमानसिंह केसी, प्युठान ।
राष्ट्रिय जनमोर्चा जनमोर्चा प्यूठान नगरपालिकाको आयोजनामा प्रधानमन्त्री केपी ओली सरकारको असंवैधानिक कदमको विरुद्धमा बिजुवारमा विरोध सभा सम्पन्न भएको छ।
विरोध सभालाई सम्बोधन गर्दै राष्ट्रिय जनमोर्चाका केन्द्रीय सदस्य कृष्ण खड्काले वर्तमान सरकारले देशमा प्रतिगमनलाई फाइदा पुग्ने गरि काम गरेको बताउनु भयो । उँहाले सरकार संसद विघटन गरेर प्रतिगामी शक्तिहरुलाई खेल्ने मौका दिएको आरोप लगाउँदै सरकार गैरसंवैधानिक तवरले अगाडि बढ्न खोजेको र लामो समय सम्म नेपाली जनताले प्राप्त गरेका उपलब्धि गुम्ने खतरा भएकोले सबै सचेत हुन आग्रह गर्नु भयो ।
नेता खड्काले एक पछि अर्को गरि देशलाई हानिनोक्सानी पुर्याउने कार्यमा सरकार तल्लीन रहेको त्यसको परिणाम गणतन्त्र, धर्म निरपेक्षता समेत खतरामा भएको बताउनु भयो ।
कार्यक्रममा राजमो लुम्बिनी प्रदेश अध्यक्ष बोमबहादुर खत्रीले सरकार आफ्नो आसेपासेलाई ओतप्रोत र भ्रष्टचारीलाई समेत मलजल गरेको आरोप लगाउनु भयो । उहाँले सत्ता स्वार्थका कारण नेपाल र नेपाली अत्यन्तै संकटमा परेको बताउनु भयो। कोरोनाको महामारीको बेला एकजुट हुनुको सट्टा भागबिलोमा लाग्नु लाजमर्दो भएको उल्लेख गर्दै यी पार्टीबाट देशले निकास नपाउने बताउनु भयो ।
नेता बत्रीले आम जनताको पार्टी राजमो नै भएकोले सबैलाई गोल बन्द भइ राष्ट्रघातीहरुलाई तह लगाउनु पर्ने आजको आवस्यकता भएको उल्लेख गर्नु भयो ।
त्यस्तै, राजमो जिल्ला सचिव बिदुर मल्ल, जिल्ला समन्वय समिति प्यूठानका प्रमुख केशवराज आचार्य, विभिन्न जनवर्गीय संघ संघसंगठनका प्रमुख तथा प्रतिनिधिको आतिथ्यता रहेको थियो । विरोध सभाको अध्यक्षता राजमो प्युठान नगर समितिका अध्यक्ष ध्रुव थापाले गर्नु भएको थियो भने सञ्चालन जिल्ला सदस्य दुर्गा भुसालले गर्नु भएको थियो ।
