काठमाडौं ।प्रधानमन्त्री केपी शर्मा ओलीले मन्त्रिपरिषद पुनर्गठन गर्नुभएकाे छ । शुक्रबार साँझ प्रधानमन्त्री ओलीले केही नयाँ मन्त्रीहरु थप्नुको साथै जिम्मेवारीमा हेरफेर गर्नुभएकाे छ ।
आज आठजना नयाँ मन्त्री र एकजना राजमन्त्रीले सपथ लिएका छन्। यस्तै ६ जना मन्त्रीको मन्त्रालय हेरफेर गरिएकाे छ भने युवा तथा खेलकूद मन्त्री जगत विश्वकर्मा र उद्योग राज्यमन्त्री मोतिलाल दुगडलाई हटाइएकाे छ ।
सरकारले प्रतिनिधि सभा विघटन गरेपछि सत्तारुढ दल नेकपा विभाजित भएको थियो । त्यसलगत्तै प्रचण्ड–नेपाल पक्षका सात मन्त्रीले राजनीनामा दिएका थिए । मन्त्रिपरिषद पुनर्गठन गरेलगत्तै मन्त्रिपरिषदको बैठक बालुवाटारमा बसेको छ ।
यी हुन् आज थपिएका मन्त्री
टोपबहादुर रायमाझी (ऊर्जा, जलस्रोत तथा सिंचाई)
प्रभु साह (शहरी विकास)
गौरीशंकर चौधरी (श्रम तथा रोजगार)
गणेश ठगुन्ना (सामान्य प्रशासन तथा संघीय मामिला)
मणि थापा (खानेपानी तथा सरसफाई)
दाबा लामा (युवा तथा खेलकूद)
प्रेम आले (वन तथा वातावरण)
जुली महतो (महिला तथा ज्येष्ठ नागरिक)
विमला विश्वकर्मा (उद्योग राज्यमन्त्री)
मन्त्रालय हेरफेर भएका:
हृदयेश त्रिपाठी (स्वास्थ्य तथा जनसंख्या)
कृष्णगोपाल श्रेष्ठ (शिक्षा, विज्ञान तथा प्रबिधि)
भानुभक्त ढकाल (संस्कृति, पर्यटन तथा नागरिक उड्ययन)
पदमा अर्याल (कृषि तथा पशुपंक्षी)
शिवमाया तुम्बाहाङफे (भूमि सुधार)
लिलानाथ श्रेष्ठ (न्याय कानुन तथा संसदीय मामिला)
