माधव खनाल, अर्घाखाँची ।
अखिल नेपाल किसान महासंघका अध्यक्ष भैरवराज रेग्मीले बर्तमान सरकारले किसानको विश्वासमाथि विश्वासघात गरेको आरोप लगाउनुभएको छ ।
बिहीबार अर्घाखाँचीको भूमिकास्थान नगरपालिका–१ को दमारामा किसान महासंघले आयोजना गरेको प्रशिक्षण कार्यक्रमका सन्दर्भमा अध्यक्ष रेग्मीले बर्तमान दुई तिहाईको सरकारबाट किसानहरुले धेरै अपेक्षा गरेपनि सामान्य कामसमेत गर्न नसकेको बताउनुभयो । किसानले भोग्नुपरेका समस्याबारे चर्चा गर्दै रेग्मीले उनीहरुलाई समयमा मल विउ उपलब्ध गराउन, सिंचाईको व्यवस्था, बजार व्यवस्थापन, उत्पादन लागतमा सहुलियत लगायतका माग सरकारले पुरा गर्नुपर्ने बताउनुभयो ।
प्रशिक्षणका क्रममा रेग्मीले सरकारले स्थायित्वको सट्टा अपर्झट संसद विघटन गरेर झ्न् देशलाई अनिश्चयको भूमरीमा हालेको बताउनुभयो ।
कार्यक्रममा अखिल नेपाल महिला संघकी अर्घाखाँची जिल्ला सदस्य खुमा बेल्बासे (माधवा), राष्ट्रिय जनमोर्चाका भूमिकास्थान नगरपालिका सदस्य तथा भूमिकास्थान नगरपालिका वडा नम्बर १ का वडाअध्यक्ष भोजराज खनाल, वडा सदस्य चमकला नेपाली लगाएतले मन्तब्य दिनुभएको थियो ।
