संजाल शर्मा, बागलुङ ।
जैमिनी नगरपालिका–१० राङ्खानी र जैदीको संगमस्थलमा रहेको व्यारथलामा आज (मंगलबार) अखिल नेपाल युवक संघको टोल भेला सम्पन्न भएको छ ।
युवक संघका नगर अध्यक्ष यम पुनको उपस्थितिमा सम्पन्न भेलाले तिलक क्षेत्रीको अध्यक्षतामा १५ सदस्य टोल समिति गठन भएको हो । समितिको उपाध्यक्ष राजन विक, सचीव हरि जिसी, सहसचीव अर्जुन क्षेत्री र कोषाध्यक्षमा दान बहादुर जिसी चयन हुनु भएको छ ।
सदस्यहरुमा विशाल सुनार, कुमार विक, वीपिन विक, प्रकाश बिक, मन बहादुर किक, सन्जय क्षेत्री, मिलन क्षेत्री, उमेश पौडेल, गणेश जैसी रहनुभएको छ भने हाललाई १ स्थान रिक्त राखिएको छ ।
भेलालाई सम्बोधन गर्दै युवक संघका नगर अध्यक्ष पुनले प्रधानमन्त्री केपी शर्मा ओलीले संसद विघटन गरेका कारण देश संकटग्रस्त अवस्थामा पुगेकोले राष्ट्रियता, गणतन्त्र र संविधान खतरामा परेको भन्दै यस्तो अवस्थामा यसको रक्षाको लागि युवाहरू सक्रिय रुपमा भूमिका खेल्न आग्रह गर्नु भयो । उक्त भेलामा नगर सदस्य हरि पौडेल र राष्ट्रिय जनमोर्चाका सथानिय नेता प्रेम रानाको समेत उपस्थिति रहेको थियो ।
युवक संघले यहि पौष ११ गते जैमिनीको शिर हाँडिकोट टापुमा बृहत वनभोजको आयोजना गरेको सो अवसरमा जानकारी दिइयो ।
