बसन्त खड्का, अर्घाखाँची ।
सरकारले अप्रत्याशित रुपमा संसद विघटन गरेपछि राष्ट्रिय जनमोर्चाले देशव्यापि विरोध प्रदर्शन शुरु गरेको छ। सोही क्रममा आज (सोमबार) राजमो जिल्ला समिति अर्घाखाँचीको आयोजनामा सन्धिखर्कमा विरोध जुलुशसहित कोण शभा सम्पन्न भएको छ ।
भक्तिटोलबाट निकालिएको विरोध जुलुश शान्ति बगैँचामा पुगेर कोण सभामा परिणत भएको थियो । सभालाइ नेकपा (मसाल) का जिल्ला प्रवक्ता पशुपति ढकाल र राजमो जिल्ला अध्यक्ष थम्मन केसीले सम्बोधन गर्नुभएको थियो ।
सभालाइ सम्बोधन गर्दै अधक्ष्य केसीले बर्तमान सरकारले २०६२–६३ को जन आन्दोलनको चिरहरण गरेको बताउनु भयो । उहाँले नेकपा र कांग्रेसलाई अग्रगमनका लागि आन्दोलनमा उत्रिन आह्वान गर्नुभयो ।
]शभाको सञ्चालन राजमो जिल्ला सचिव बाबुराम पन्थि सुनारले गर्नुभएको थियो । उक्त कार्यक्रम भन्दा पहिले नियमित संघर्षका कार्यक्रम अन्तर्गत राजमो सन्धिखर्क नगर समितिको आयोजनमा पार्टी कार्यालय मसाल बजारबाट निस्किएको जुलुस सहित भक्तिटोलामा कोण शभामा परिणत भएको थियो ।
उक्त कोण शभाको सम्बोधन गर्दै राजमो सन्धिखर्क नगर समिति अध्यक्ष कमल घिमिरेले वर्तमान सरकारले चालेका कदम अलोकतान्त्रिक भएको दाबि गर्नु भयो ।
