काठमाडौं । हालसम्म कोभिड–१९ संक्रमणमुक्त हुनेको संख्या दुई लाख ४० हजार ३६३ पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९४७ जना कोरोना भाइरस संक्रमणमुक्त भएका छन् ।
Advertisement
पछिल्लो २४ घण्टामा छ हजार ५८८ जनाको परीक्षण गर्दा थप ७७६ जनामा कोरोना भाइरस संक्रमण पुष्टि भएको छ । सोमा ४६८ पुरुष र ३०८ महिला छन् । हाल देशभर सक्रिय संक्रमितको संख्या नौ हजार ५८० छ ।
पछिल्लो २४ घण्टामा कोरोना भाइरस संक्रमणका कारण छ जनाको मृत्युसँगै हालसम्म मृत्यु हुनेको संख्या १७४९ पुगेको छ ।
