काठमाडौं । नेपालमा पछिल्लो २४ घण्टामा थप ७३६ जनामा कोरोना भाइरसको संक्रमिण देखिएको छ । स्वास्थ्य तथा जनसंख्या मन्त्रालयले ५ हजार ५५५ पीसीआर परीक्षण गर्दा ७३६ जनामा कोरोना संक्रमण पुष्टि भएको जानकारी दिएको छ ।

योसँगै नेपालमा कोरोना संक्रमितको संख्या २ लाख ५० हजार ९१६ पुगेको र सक्रिय संक्रमितको संख्या ९ हजार ७५७ रहेको बुधबारको प्रेस ब्रिफिङमा मन्त्रालयका प्रवक्ता जागेश्वर गौतमले बताउनुभयो ।

त्यस्तै पछिल्लो २४ घण्टामा थप ८४७ जना कोरोना संक्रमित निको भएका छन् । योसँगै नेपालमा कोरोना संक्रमणमुक्त हुनेको संख्या २ लाख ३९ हजार ४१६ पुगेकको छ ।

मन्त्रालयका अनुसार पछिल्लो २४ घण्टामा थप १३ जना कोरोना संक्रमितको मृत्यु भएको छ । योसँगै मृत्ष्यु हुनेको संख्या १ हजार ७४३ पुगेको छ ।