दिनेश रैदास, दाङ
अखिल नेपाल राष्ट्रिय स्वतन्त्र विद्यार्थी युनियन (छैंठौं) जिल्ला समिति दाङ देउखुरीले पुस र माघ महिनाभर जिल्लाव्यापी प्रशिक्षण तथा संगठन निर्माण गर्ने भएको छ । शनिबार जिल्ला अध्यक्ष ध्रुव बेलबासेको अध्यक्षतामा सम्पन्न बैठकले जिल्लाब्यापी कार्यक्रम तय गरेको हो ।
यनियनले तुलसीपुर उपमहनगरपालिकामा यही पुस ११ गते प्रशिक्षण कार्यक्रम गर्ने भएको छ जसको जिम्मा सहसचिव राजकुमारी चौधरीलाई दिएको छ । त्यस्तै, राजपुरमा पुस १५ गते प्रशिक्षणको तयारी गर्ने जिम्मा दिनेश रैदासलाई दिइएको छ भने १८ गते लमही नगरपालिकामा हुने कार्यक्रमको जिम्मेवारी गौतम चौधरीलाई जिम्मा दिइएको छ।
त्यसैगरी गढवा गाउँपालिकामा पुस २५ गते सञ्चालन हुने प्रशिक्षणको जिम्मेवारी तृषण केसी र पुरुसोत्तम शर्मा तथा घोराहीमा माघ ३ गते हुने प्रशिक्षणको जिम्मेवारी मधुकर पुन, सुनिता पाण्डे, लक्ष्मण विक, पारस बुढाथोकीलाई दिइएको छ । माघ १० गते राप्ती गाउँपालिकामा प्रशिक्षण कार्यक्रम सञ्चालन गरिनेछ जसको जिम्मेवारी ध्रुव बेलबासे, सरिता पुन र सुष्मा चौधरीलाई दिइएको छ ।
अखिल (छैठौं) ले प्रतिगनको खतरा र संघीयताका विरुद्ध राष्ट्रिय जनमोर्चाले सञ्चालन गर्ने कार्यक्रमहरुमा सक्रिय सहभागिता जनाउने निर्णय समेत गरेको छ ।
अखिल (छैंठौ) का केन्द्रीय सदस्य खगेन्द्रा विष्टको प्रमुख आतिथ्यतामा सम्पन्न बैठकमा राष्ट्रिय जनमोर्चा दाङ जिल्लाका अध्यक्ष गणेश आचार्यको विशेष आतिथ्यता रहेको थियो ।
यो पनि : दाङका सबै स्थानीय तहमा विरोध सभा गर्ने राजमोको तयारी
