डोटी । ‘गणतन्त्र, राष्ट्रियता र धर्म निरपेक्षताको रक्षा गरौँ, प्रदेश सरकार खारेज गरौँ, बढ्दो महँगी, भ्रष्टाचारको अन्त्य गरौँ’ भन्ने मूल नाराका साथ आज (मंगलबार) राष्ट्रिय जनमोर्चा जोरायल गाउँपालिका स्तरीय भेला सम्पन्न भएको छ ।
राष्ट्रिय जनमोर्चाका सुदूरपश्चिम प्रदेश कोषाध्यक्ष तथा डोटी जिल्ला सचिव केशवनाथ योगीको प्रमुख आतिथ्यमा सो भेला सम्पन्न भएको हो । भेलाले मानबहादुर खडकाको नेतृत्वमा १५ सदस्यीय कार्यसमिति समेत गठन गरेको छ । समितिको उपाध्यक्ष तारा प्रसाद भट्ट, सचिव दिपक बिक, कोषाध्यक्ष यमुना बिक र सह सचिव रमेश पातली रहनु भएको छ ।
सदस्यहरुमा तारा कपड्याल, राम बहादुर खड्का, यदुनाथ अवस्थी, कमल भण्डारी, भिम बहादुर खड्का, उज्जर सिंह मगर, पुष्कर भट्ट लगायत हुनुहुन्छ ।
भेला पश्चात प्रतिगमनको खतरा र संघीयताका विरुद्ध कोणशभा पनि सम्पन्न भएको छ । कोणशभामा सचिव योगीले देश र स्थानीय तहमा हुने भ्रष्टाचार, बढ्दो महँगीका बिरुद्ध र गणतन्त्रको रक्षाका लागि संगठित भएर अगाडी बढ्नु पर्ने बताउनु भयो ।
उहाँले अहिले देशमा नेकपाको सरकारका गलत गतिविधि, चरम भ्रष्टाचार र प्रदेश सरकारको ब्याबाहार नेपाली जनताले थेग्न नसक्ने अवस्था सिर्जना भएको बताउनु भयो ।
कार्यक्रममा अखिल नेपाल युवक संघका केन्द्रीय सचिव प्रशान्त थापा, गाउँपालिका सचिव दीपक विक, अखिल (छैठौं) घन्टेश्वर बहुमुखी क्याम्पस अध्यक्ष यमुना विक लगायतले सम्बोधन गर्नुभएको थियो ।
गाउँपालिका उपाध्यक्ष ताराप्रसाद भट्टको अध्यक्षतामा भएको कार्यक्रमको सञ्चालन मानबहादुर खड्काले गर्नुभएको थियो ।
