दाङ । अखिल नेपाल किसान महासङ्घ घोराही उपमहानगर समितिको भेला मङ्सिर २२ गते सम्पन्न भएको छ । राष्ट्रिय जनमोर्चाको जिल्ला सम्पर्क कार्यालय घोराहीमा सो भेला सम्पन्न भएको हो ।
जिल्ला अध्यक्ष मिनु सुवेदीको प्रमुख आतिथ्यतामा सम्पन्न उक्त कार्यक्रममा राष्ट्रिय जनमोर्चाका जिल्लाध्यक्ष गणेश आचार्य, जिल्ला सदस्य सुशील पोख्रेल, देवबहादुर विक, सल्लाहकार ङनुकान्त आचार्य, मूल प्रवाह अखिल भारत नेपाली एकता समाजका केन्द्रीय परिषद् सदस्य सुरेश पाण्डे, राजमोका ज्येष्ठ सदस्य बुद्धिराम खड्कालगायतले शुभकामना दिनुभएको थियो ।
भेलाले घनश्याम भण्डारीको अध्यक्षतामा ११ सदस्यीय समिति गठन गरेको छ । समितिको उपाध्यक्षमा रोम मरासेनी, सचिवमा मनिराम खनाल, सहसचिवमा भोलानाथ शर्मा र कोषाध्यक्षमा खिमबहादुर रावत चयन हुनु भएको छ । सदस्यहरूमा रामप्रसाद भुसाल, सूर्यलाल नेपाली, लेखराज राई, बलाराम शर्मा र लालबहादुर सिंह रहनुभएको छ।
नगर अध्यक्ष घनश्याम भण्डारीको अध्यक्षता रहेको सो कार्यक्रमको सञ्चालन रोम मरासिनीले गर्नुभएको थियोे ।
