पुष्कर भट्ट, महेन्द्रनगर ।
अखिल नेपाल महिला संघले महिलामाथि हुने सबैखाले हिंसा रोक्न माग गर्दै सरकारलाई ज्ञापन पत्र बुझाएको छ । आइतबार जिल्ला प्रशासन कार्यालय कञ्चनपुर मार्फत ज्ञापन पत्र बुझाइएको हो ।
अखिल नेपाल महिला संघ कञ्चनपुरकी संयोजक कमला चौधरीको नेतृत्वमा गएको प्रतिनिधिमण्डलले प्रमुख जिल्ला अधिकारी रामकुमार महतोलाई ज्ञापन पत्र बुझाएको हो । टोलीमा महिला संघका सदस्य कविता चौधरी, सरस्वती विक, गीता नेपाली, पार्वती चुनारालगायत सहभागी हुनुहुन्थ्यो ।
कार्यक्रममा उपस्थित राष्ट्रिय जनमोर्चा कञ्चनपुरका अध्यक्ष राम बहादुर कार्की, अखिल (छैठौं) का महासचिव महेशराज जोशी, अखिल (छैठौं) का जिल्ला सचिव पुष्कर भट्टलगायत नेता कार्यकर्ताहरुको उपस्थिति थियो ।
ज्ञापन पत्र बुझ्दै प्रमुख जिल्ला अधिकारी महतोले महिला संघले राखेका मागहरु आफ्नो बर्कतले भ्याएसमम पुरा गर्ने र ज्ञापन पत्र माथिल्लो निकायमा पेश गर्ने बताउनुभयो ।
