मान्म । राष्ट्रिय जनमोर्चा कालीकोटले विरोधसभा सम्पन्न गरेको छ ।

सङ्घीयताको खारेजी तथा कोरोना सङ्क्रमितको निःशुल्क परीक्षण तथा उपचार र स्वास्थ्य सामग्रीमा भ्रष्टाचारको छानबिनलगायतका विषयमा केन्द्रीय कार्यक्रमअनुसार मङ्सिर १४ गते सो सभा सम्पन्न भएको हो ।

कार्यक्रमलाई राजमो केन्द्रीय सदस्य देवजङ्ग शाहीले सम्बोधन गर्दै सङ्घीयता खारेज गर्दै देशको राष्ट्रियता, सार्वभौमिकता र अखण्डताको रक्षामा लाग्नुपर्ने आवश्यकतामा जोड दिनुभएको थियो ।

त्यस्तै, अर्का वक्ता अखिल नेपाल शिक्षक सङ्घका केन्द्रीय उपाध्यक्ष अजय गिरीले कोरोना सङ्क्रमितको निःशुल्क परीक्षण तथा उपचारमा सरकार गम्भीर हुनुपर्ने आवश्यकतामा ध्यान दिनुभयो ।

कार्यक्रमको सञ्चालन कमलविक्रम शाहीले गर्नुभएको थियो ।