प्युठान । अखिल नेपाल युवक संघ झिमरुक गाउँपालिकाको भेला मच्छी बजारमा भब्यताका साथ सम्पन्न भएको छ । झिमरुक गाँउपालिका अन्तर्गतका सबै वडाहरुमा भेला सम्पन्न गरि बुधबार गाउँपालिकास्तरीय भेला गरिएको हो ।
भेलालाई प्रमुख अतिथीको आसनबाट अखिल नेपाल किसान महासंघका केन्द्रीय सचिव वीरबहादुर जिसिले सन्बोधन गर्नुभएको थियो भने विशेष अतिथिको रुपमा अखिल (छैठौं) का केन्द्रीय सचिव सुवाश जिसिले सम्बोधन गर्नुभएको थियो ।
भेलाले भरत ढकालको अध्यक्षतामा १३ पुर्ण, ७ वैकल्पिक र २ सल्लाहकार सहितको पालिकास्तरीय समिति निर्माण गरेको छ । जसको उपाध्यक्षमा अर्जुन केसी, सचिवमा हरि जिसि, सहसचिवमा सुशील जिसि, र कोषाध्यक्षमा प्रमिसा खड्का चयन हुनुभएको छ ।
त्यस्तै सदस्यहरुमा तेजबहादुर विक, रामबहादुर जिसि, हेमराज भट्टराई, वसन्त केसी, वसन्त थापा, ध्रुव जिसि र सेरबहादुर थापा चयन हुनुभएको छ । वैकल्पिक सदस्यहरुमा धिरकन विक, कमल गिरी, सागर एमसि, टुकबहादुर पुन, महेन्द्र केसी, माया परियार र एमकला गिरि चयन हुनुभएको छ । यस्तै सल्लाहकारहरुमा लिमानसिंह जिसि र विनोद विक रहनुभएको छ ।
कार्यक्रममा अखिल नेपाल युवक संघका केन्द्रीय सदस्यद्वय हुमलाल नेपाली र बरुणध्वज मल्ल, झिमरुक गाँउपालिकाका उपाध्यक्ष पवित्रा जिसि, राष्ट्रिय जनमोर्चाका जिल्ला सदस्यद्वय तथा ५ न. वडाअध्यक्ष टीका जिसि, र ४ नं वडाअध्यक्ष सिताराम पोख्रेल, ३ न. वडा अध्यक्ष मिनबहादुर केसी, अखिल (छैठौं) का जिल्ला अध्यक्ष चोपबहादुर विक, अखिल नेपाल सिक्षक संघका झिमरुक अध्यक्ष गोपाल गिरीको उपस्थिति रहेको थियो।
त्यस्तै राजमो झिमरुकका सचिव केसरजंग एमसि, राजमो नेता ठाकुर गिरी, रेकम महतारा, देवेन्द्र जिसि, समता समाजका जिल्ला कोषाध्यक्ष विनोद विक, अखिल भारत नेपाली एकता समाजका खिमबहादुर विक, महिला संघकी खिमा श्रेष्ठ, अखिल नेपाल जनजाती सम्मेलनका प्रतिनिधि पूर्णबहादुर घर्ती मगर, अखिल नेपाल उद्योग व्यापार संघका वद्री पोख्रेल लगाएतका नेता सहभागी हुनुहुन्थ्यो ।
भेलाको अध्यक्षता युवक संघका झिमरुक अध्यक्ष लिमान सिंह जिसि, स्वागत युवा नेता भरत ढकाल र सञ्चालन युवा संघ ३ नम्बर वडा अध्यक्ष अर्जुन केसीले गर्नुभएको थियो ।
