जगदीश ढकाल, नेपालगञ्ज ।
अखिल नेपाल किसान महासंघ बाँकेले बिहीबार जिल्ला प्रशासन बाँके मार्फत किसानहरुका विभिन्न समस्याहरु समाधानको माग राख्दै प्रधानमन्त्री समक्ष ज्ञापनपत्र बुझाएको छ ।
महासंघको देशव्यापी कार्यक्रम अनुसार अखिल नेपाल किसान महासंघका महासचिव तुलसिराम सापकोटाको नेतृत्वमा गएको प्रतिनिधिमण्डलले जिल्ला प्रशासन कार्यालय बाँके पुगी प्रमुख जिल्ला अधिकारी रामबहादुर कुरुम्बाङ मार्फत ज्ञापन पत्र बुझाएको हो ।
ज्ञापन पत्रमा किसानहरुका सिंचाइ, मल, बिउका समस्या, उद्पादित धानको समर्थन मूल्य लागू गर्नुपर्ने, भ्रष्टाचार बन्द गर्नुपर्ने, महंगी नियन्त्रण गर्नुपर्ने, कोभिड १९को उपचार निशुल्क गर्नुपर्ने, उक्त महामारीको मारमा परेका किसानहरुलाई तत्काल राहत र पुनर्स्थापनाको व्यवस्था सरकारले गर्नुपर्ने लगाएतका मागहरू समेटिएका छन् ।
सरकारले उक्त मागहरू सम्बोधन नगरे आफू कडा संघर्षमा उत्रन बाध्य हुने समेत संयोजक जोगप्रसाद भन्डारीद्वारा हस्ताक्षरित पनपत्रमा उल्लेख गरिएको छ ।
ज्ञापन पत्र बुझाउन अखिल नेपाल युवक संघका महासचिव कृष्णराज पाण्डे, राष्ट्रिय जनमोर्चा बाँकेका उपाध्यक्ष जगदीश ढकाल, अखिल नेपाल किसान महासंघ बाँकेका संयोजक जोगप्रसाद भन्डारी लगाएत जानुभएको थियो ।
