तिलक थापा, बालगुङ ।
अखिल नेपाल महिला संघ तंग्रामको प्रशिक्षण भेला शनिबार धारा माविको सभाहलमा सम्पन्न भएको छ ।
कार्यक्रमका प्रमुख अतिथि राष्ट्रिय जनमोर्चा बागलुङका अध्यक्ष अमर थापाले सबै भन्दा बढी उत्पीडनमा रहेको महिला समुदाय आफ्नो मुक्तिका लागि झन् बढी अग्रसर हुनु पर्ने बताउँदै आमुल परिवर्तनका लागि अखिल नेपाल महिला संघमा आवद्ध हुन आव्हान गर्नु भयो ।
कार्यक्रममा अखिल नेपाल युवक संघका पूर्व केन्द्रीय अध्यक्ष तथा राष्ट्रिय जनमोर्चाका राष्ट्रिय परिषद् सदस्य तिलक थापा, अखिल नेपाल बुद्धिजीवी संघका केन्द्रीय सदस्य कमला थापा, अखिल नेपाल युवक संघका केन्द्रीय उपाध्यक्ष तथा राष्ट्रिय जनमोर्चा बागलुङका सचिवालय सदस्य लक्षमण पुन, जातीय समता समाज बागलुङका सचिव तथा काठेखोला गाउँ कार्यपालिका सदस्य टीका संगम बिक, अखिल नेपाल भुतपूर्व सैनिक संघ बागलुङका सचिव थिर बहादुर राना, अखिल नेपाल महिला संघका लालमति पुन लगायतले प्रशिक्षण दिनु भएको थियो ।
कार्यक्रम वडा समितिका अध्यक्ष बिष्णुकली थापाको अध्यक्षता, पार्वती थापाको सञ्चालन, चन्द्रकला पुनको स्वागत मन्तव्यमा सम्पन्न भएको थियो ।
भेलाले ९ वटै टोलमा प्रशिक्षण भेला आयोजना गर्न टोल समिति निर्माण गरेको छ । टोल नं. १ मा माया पुन, २ मा कमला पुन, ३ मा शशिमाया थापा, ४ मा हिरा विक, ५ मा मनरुपी थापा, ६ मा जुना थापा, ७ मा दिलमाया किसान, ८ मा गिता किसान र ९ मा पूर्णकली पुनको संयोजकत्वमा टोल भेला आयोजक समिति गठन गरिएको छ ।
