सञ्जाल शर्मा, बागलुङ ।
अखिल नेपाल युवक संघ बागलुङले जैमिनी नगरपालिका १० राङ्खानीको वडा भेला सम्पन्न गरेको छ । भेलाले वीरबहादुर श्रीसको अध्यक्षतामा १७ सदस्यीय वडा समिति गठन गरेको छ । समितिको उपाध्यक्षमा हरि केसी, सचीव नवीन भण्डारी, सह–सचिव बम बहादुर केसी र कोषाध्यक्षमा लाल बहादुर विक चयन हुनुभएको छ ।
सदस्यहरुमा जनक श्रीस, चन्द्रबहादुर पुन, रमेश गोर्खाली, हमिस श्रीस, सकश थापा, कल्पना विक, वीर बहादुर बिक, कुमार बस्याल, सुनिल पौडेल, केशर श्रीस रहनुभएको छ भने हाललाई दुई स्थान वैकल्पिक सदस्य रिक्त राखिएको छ।
भेलालाई संघका जिल्ला सचिवालय सदस्य श्रीप्रसाद थापाले सम्बोधन गर्दै नेकपा (मसाल) बाग्लुङको दक्षिण भेगले जसरी बिगतमा प्रतिक्रियावादी पार्टीसँग संघर्ष गरेर आफ्नो इतिहास रचेको थियो ती पुराना दिनको स्मरण गराउनु भयो ।
उहाँले पछिल्ला दिनमा राङ्खानीका युवाको भूमिका कमजोर रहेको भन्दै आफ्नो पार्टी र संगठनको पुरानो बिरासत जोगाउन यहाँका युवा थप सचेत र संगठित प्रकारले सक्रियता साथ अगाडि बढ्न आग्रह गर्नु भयो ।
साथै उहाँले अहिलेको अवस्थामा राष्ट्रियता खतरा परेको हुँदा देश जोगाउने अभिभारा बोकेर युवहरु देश बढ्दो बिकृती बिसंगती र भ्रस्टाचार विरुद्ध आक्रमक ढंगले प्रस्तुत हुन समेत अनुरोध गर्नु भयो ।
भ्रष्टाचारीलाई जनकार्वाही गर्ने युवक संघको नीति रहेको बताउँदै भ्रस्टाचारको प्रमाण भेटेमा ठाउँको ठाउँ कालो मसो दलेर जनताको बिचमा ल्याई भ्रष्टाचारी लाई नांगै बनाउन उद्घोष गर्नु भयो ।
भेलालाई बराईन नेपाली एकता समाजका केन्द्रीय सदस्य कृष्ण श्रीसले शुभकामना दिँदै युवालाई आफ्नो अधिकारको खोजी गर्दै आन्दोलित हुन आग्रह गर्नुभयो । उहाँले अब युवाहरु आत्मनिर्भर हुन ब्यवसाय तिर जोडिन समेत आग्रह गर्नु भयो।
संघका नगर अध्यक्ष यम पुनको अध्यक्षतामा अगाडि बढेको कार्यक्रमको सञ्चालन रक्तिम साँस्कृतिक अभियानका जिल्ला कोषाध्यक्ष धन बहादुर थापाले गर्नु भएको थियो ।
