तिलक थापा, बागलुङ ।
बागलुङको जैमिनी नगरपालिका–१० (साविक राङ्खानी ५) मा अखिल नेपाल युवक संघको टोल भेला सम्पन्न भएको छ । भेलाले भेलाले हमिस श्रीसको अध्यक्षतामा १९ सदस्यीय टोल समिती गठन गरेको छ ।
संघको उपाध्यक्ष, सचिव, सह–सचिव र कोषाध्यक्षमा क्रमशः किरण थापा, नवीन भण्डारी, अर्जुन श्रीस र रमेस गोर्खाली चयन हुनुभएको छ । सदस्यहरुमा रन्जन थापा, खर्क बहादुर थापा, खेमराज श्रीस, रोसन थापा, नर जंग श्रीस, हरि विक, जित बहादुर थापा, यम बहादुर श्रीस, योगेस श्रीस, ललित गोर्खाली, रमेश राना, कुनि श्रीस रहनु भएको छ भने, २ स्थान रिक्त राखिएको छ ।
भेलालाई सम्बोधन गर्दै अखिल नेपाल युवक संघ बाग्लुङका सचिवालय सदस्य श्रीप्रसाद थापाले देशमा भएका भ्रष्टचार, अन्याय अत्याचार र झुठ्ठा मुद्दाको आतंकको बारेमा प्रष्ट पार्दै, गाउँ–टोलमा बिकृती र बिसङती मौलाउँदै गैरहेको बेला त्यसको बिरुद्द सचेत युवाहरु कस्सिएर लाग्नु पर्ने बताउनुभयो ।
यस्तै, भेला सफलताको शुभकामना दिँदै बहराइन नेपाली एकता समाजका केन्द्रीय सदस्य कृष्ण श्रीसले रेमिटेन्समा भर परेको युवा कोरोना महामारीका कारण विदेश जान नपाउँदा परिवार चलाउन गाह्रो परेको बताउँदै, सरकारले युवालाई रेमिटेन्सको रूपमा मात्र नबुझी स्वदेशमै रोजगार बनाउनको लागी खास कार्यक्रम ल्याउन युवाहरुले दबाब दिनुपर्ने बताउनु भयो ।
अखिल नेपाल युवक संघका नगर अध्यक्ष यम पुनको अध्यक्षतामा सम्पन्न कार्यक्रमको सञ्चालन रक्तिम साँकृतिक अभियानका जिल्ला सदस्य धन बहादुर थापाले गर्नु भएको थियो ।
