सामाजिक सञ्जालमा सार्वजनिक भएका भिडियोहरूमा सडकमा घुँडासम्म पानी जमेको देखिन्छ। स्थानीयहरू कपडा माथि सारेर आवतजावत गर्न बाध्य भएका छन् भने घरभित्र पानी पसेपछि दैनिक जनजीवन कष्टकर बनेको छ।

स्थानीयका अनुसार वर्षेनी पानीको उचित निकास नहुँदा भरतपुरका बस्ती डुबानमा पर्ने समस्या दोहोरिने गरेको छ। साइफन बन्द हुनु, जथाभावी प्लटिङका कारण प्राकृतिक कुलो पुरिनु, नालीको व्यवस्था नगरी सडक निर्माण गर्नु तथा निर्माण भएका नालीसमेत नियमित सफा नगर्नु डुबानको प्रमुख कारण रहेको उनीहरूको भनाइ छ।

स्थानीयवासीले दीर्घकालीन समाधानका लागि प्रभावकारी ढल तथा पानी निकास व्यवस्थापन गर्न सम्बन्धित निकायसँग माग गरेका छन्।