काठमाडौँ । तराई मधेस जनवादी मोर्चाले केन्द्रीय सदस्य इन्दलप्रसाद केवटको निधनप्रति श्रद्धाञ्जली व्यक्त गरेको छ ।
अध्यक्ष बद्रे आलमको हस्ताक्षरमा २०८३ असार १४ गते आइतबार वक्तव्य जारी गर्दै तमजमोले शोक व्यक्त गरेको हो ।
केवटको मृत्युबाट तमजमोको आन्दोलनमा क्षति पुगेको बताउँदै वक्तव्यमा शोकसन्तप्त परिवारप्रति समवेदना व्यक्त गरिएको छ ।
यस्तो छ, शोकवक्तव्य
“तराई मधेस जनवादी मोर्चाका पूर्व उपाध्यक्ष तथा वर्तमान केन्द्रीय सल्लाहकार इन्दलप्रसाद केवटकोे यही २०८३ असार १३ गते दिउँसो करिब १ बजे क्यान्सर रोगका कारण अल्पायुमा मृत्यु भएकाले अत्यन्त दुखित तुल्याएको छ । इन्दल अत्यन्त सरल, जुझारु तथा सामाजिक व्यक्तित्व हुनुहुन्थ्यो । निजको मृत्युले हाम्रो सङ्गठनको आन्दोलनमा क्षति पुगेको छ । इन्दलप्रसाद केवटप्रति केन्द्रीय समिति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति हार्दिक समवेदना प्रकट गर्दछ ।”
