काठमाडौं । लगातार तीन दिनमा तोलामा १० हजार ४ सय रुपैयाँले घटेको सुनको मूल्य आज फेरि बढेको छ।
नेपाल सुनचाँदी व्यवसायी महासंघका अनुसार आज सुनको मूल्य तोलामा ८ सय रुपैयाँले बढेर २ लाख ७९ हजार १ सय रुपैयाँ पुगेको छ।
यसअघि बिहीबार सुनको मूल्य तोलामा ५ हजार २ सय रुपैयाँले घटेर २ लाख ७८ हजार ३ सय रुपैयाँमा झरेको थियो।
यता, चाँदीको मूल्य भने आज पनि घटेको छ। महासंघका अनुसार चाँदीको मूल्य तोलामा ५५ रुपैयाँले घटेर ४ हजार १८० रुपैयाँ कायम भएको छ।
बिहीबार पनि चाँदीको मूल्य तोलामा २५० रुपैयाँले घटेर ४ हजार २ सय ३५ रुपैयाँमा कायम भएको थियो।
यसअघि गएको माघ १५ गते सुनको मूल्य तोलामा २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो। नेपाली बजारमा यो हालसम्मकै उच्च सुनको मूल्य हो।
त्यसैगरी, गएको माघ १८ गते चाँदीको मूल्य तोलामा १ हजार ५ सय ६५ रुपैयाँले घटेको थियो। चाँदीको मूल्यमा आएको यो गिरावट हालसम्मकै सबैभन्दा ठूलो मानिन्छ।
माघ १५ गते चाँदीको मूल्य तोलामा ७ हजार ५०५ रुपैयाँ पुगेको थियो, जुन नेपाली बजारमा हालसम्मकै उच्च मूल्य हो।
