महेश रिजाल, भालुबाङ ।
दाङको इलाका प्रहरी कार्यालय भालुबाङमा भर्खरै सरुवा भई आउनुभएका प्रहरी निरीक्षक गोपाल न्यौपाने र पत्रकारका बिच परिचयात्मक तथा अन्तरक्रिया कार्यक्रम सम्पन्न भएको छ ।
२०८३ असार ११ गते बिहीबार इलाका प्रहरी कार्यालय भालुबाङमा उक्त कार्यक्रम सम्पन्न भएको हो ।
कार्यालयका प्रमुख प्रहरी निरीक्षक न्यौपानेलाई स्वागत गरिएको उक्त कार्यक्रममा राप्ती प्रेस मञ्चका प्रमुख संरक्षक महेश रिजाल र राप्ती प्रेस मञ्चका अध्यक्ष अर्जुन अधिकारीलगायतले उहाँलाई रुद्राक्षको माला र खादा ओढाई स्वागत गर्नुभएको थियो ।
सो अवसरमा राप्ती प्रेस मञ्चका वरिष्ठ उपाध्यक्ष सन्तोषकुमार गुप्ता, उपाध्यक्ष बलराम शाही, महासचिव ओमप्रकाश गुप्ता, सचिव देवेन्द्रराज कँडेल (श्रीधर), कोषाध्यक्ष लक्ष्मी प्रोख्रेल, सहकोषाध्यक्ष लालमणि भुसाल, सदस्यहरू मुक्तिराम पौडेल, मोतिराम भट्टराई, सल्लाहकारहरू वासुदेव न्यौपाने, जमिर शाह र पूर्व कार्यसमिति सदस्य इराधा झाक्रीमगरलगायतको उपस्थिति रहेको थियो ।
नवआगन्तुक प्रहरी निरिक्षक न्यौपानेले आयोजना गर्नुभएको उक्त कार्यक्रममा सहभागी पत्रकारले राप्तीको समग्र शान्तिसुरक्षा, लागुऔषध दुव्र्यसन नियन्त्रण, सवारी दुर्घटना तथा लमही–भालुबाङ क्षेत्रमा टाइमकार्ड लागु गर्ने, चोरीतस्करी, आपराधिक गतिविधि नियन्त्रण तथा राप्ती नदीको अनियन्त्रित दोहन र सचेतना कार्यक्रम गर्न सुझावसहितको ध्यानार्कषण गराएका थिए ।
