काठमाडौं, असार १० । कालीमाटी फलफूल तथा तरकारी बजार विकास समितिले आजका लागि विभिन्न कृषिउपजको अधिकतम थोक मूल्य सार्वजनिक गरेको छ।
समितिका अनुसार तरकारीतर्फ ठूलो नेपाली गोलभेँडा प्रतिकिलो ६० रुपैयाँ, सानो लोकल गोलभेँडा १२ रुपैयाँ, टनेल गोलभेँडा २२ रुपैयाँ, रातो आलु ३० देखि ३८ रुपैयाँ र भारतीय प्याज ४९ रुपैयाँ कायम गरिएको छ। गाजर १०० रुपैयाँ, स्थानीय बन्दा ६० रुपैयाँ, काउली १३० रुपैयाँ तथा विभिन्न प्रकारका सिमी, करेला, लौका, घिरौँला, फर्सी र भिन्डीको मूल्य प्रतिकिलो ३० देखि १०० रुपैयाँसम्म तोकिएको छ।
हरियो सागसब्जीतर्फ रायोको साग ४० रुपैयाँ, पालुङ्गो ६० रुपैयाँ, तोरीको साग ५० रुपैयाँ, हरियो प्याज १५० रुपैयाँ तथा विभिन्न प्रकारका च्याउको मूल्य प्रतिकिलो २५० रुपैयाँदेखि १ हजार रुपैयाँसम्म निर्धारण गरिएको छ।
फलफूलतर्फ फुजी स्याउ प्रतिकिलो ३०० रुपैयाँ, नेपाली केरा दर्जनको २५० रुपैयाँ, मालभोग केरा २०० रुपैयाँ, कागती २०० रुपैयाँ, अनार ४२० रुपैयाँ तथा आँप ९० देखि १०० रुपैयाँ प्रतिकिलो कायम गरिएको छ। तरबुजा, जुनार, मेवा, लिची, नासपाती र नरिवलका मूल्य पनि सार्वजनिक गरिएको समितिले जनाएको छ।
मसलाजन्य तथा अन्य कृषिउपजतर्फ अदुवा प्रतिकिलो १४० रुपैयाँ, सुकेको खुर्सानी ५०० रुपैयाँ, अकबरे खुर्सानी ३०० रुपैयाँ, हरियो धनियाँ १५० रुपैयाँ, लसुन १८० देखि २२० रुपैयाँ तथा ताजा माछाको मूल्य प्रतिकिलो २५० देखि ३४० रुपैयाँसम्म निर्धारण गरिएको छ।
समितिले दैनिक बजार अवस्था, आपूर्ति र मागका आधारमा कृषिउपजको थोक मूल्य निर्धारण गर्दै आएको छ।
