सिरहा । सिरहा र धनुषा जोड्ने कमला खोलाको अस्थायी डाइभर्सन भासिँदा आवतजावत ठप्प भएको छ।
पानीको बहाव बढेकै कारण १५–२० दिनदेखि आवतकोजावत बन्द भएको हो ।’

डाइभर्सन भत्किएपछि सर्वसाधारण जोखिम मोलेर प्रतिव्यक्ति १५० रुपैयाँ तिरी डुङ्गा चढेर यात्रा गर्न बाध्य छन्।

हुलाकी राजमार्गअन्तर्गत पर्ने कमला पुल १५ वर्षअघि ठेक्का सम्झौता भए पनि अझैसम्म निर्माण सम्पन्न हुन सकेको छैन।

कमला पुल निर्माणको काम भने लामो समयदेखि अलपत्र छ। करिब १५ वर्षअघि ठेक्का सम्झौता भएको पुल हालसम्म निर्माण सम्पन्न हुन सकेको छैन। २०७८ असार १७ गते आएको बाढीले पुलका दुई वटा जग भासिँदा चार वटा स्ल्याबमा क्षति पुगेको थियो। तीमध्ये सिरहातर्फका दुई स्ल्याब हटाइसकिएको छ भने धनुषातर्फका दुई स्ल्याब सुरक्षित रहेको प्राविधिक अध्ययनले देखाएको छ।