काठमाडौँ, ४ असार । कालीमाटी फलफूल तथा तरकारी बजार विकास समितिले आजका लागि कृषिउपजको अधिकतम थोक मूल्य निर्धारण गरेको छ।

समितिका अनुसार गोलभेँडा ठूलो (नेपाली) प्रतिकिलो रु ७०, गोलभेँडा सानो (लोकल) प्रतिकिलो रु ३०, गोलभेँडा सानो (टनेल) प्रतिकिलो रु ३८, आलु रातो (लाम्चो) प्रतिकिलो रु ३८, आलु रातो (गोलो) प्रतिकिलो रु ३५, आलु रातो (मुढे) प्रतिकिलो रु ३५, आलु रातो (भारतीय) प्रतिकिलो रु ३० तथा सेतो आलु प्रतिकिलो रु ३० तोकिएको छ। त्यस्तै, प्याज सुकेको (भारतीय) प्रतिकिलो रु ४७ निर्धारण गरिएको छ।

यसैगरी, गाजर (लोकल) प्रतिकिलो रु १००, बन्दा (लोकल) प्रतिकिलो रु ६०, काउली स्थानीय प्रतिकिलो रु ५०, रातो मूला प्रतिकिलो रु ४०, सेतो मूला (हाइब्रिड) प्रतिकिलो रु २०, भन्टा लाम्चो प्रतिकिलो रु २५ तथा भन्टा डल्लो प्रतिकिलो रु ३५ कायम गरिएको छ।

समितिका अनुसार बोडी (तने) प्रतिकिलो रु ३५, मकै बोडी रु ६०, मटरकोसा रु १८०, घिउ सिमी (लोकल र हाइब्रिड) प्रतिकिलो रु ४०, घिउ सिमी (राजमा) रु ८०, टाटे सिमी रु ७०, भटमास कोसा रु १२०, तीते करेला रु ४०, लौका रु ५०, परवर (लोकल तथा तराई) रु ५०, चिचिण्डो रु ४०, घिरौँला र झिगुनी प्रतिकिलो रु ६०, फर्सी पाकेको तथा हरियो (लाम्चो) रु ६०, हरियो फर्सी (डल्लो) रु ४०, भिन्डी रु ४०, सखरखण्ड रु १२०, पिँडालु रु १०० तथा इस्कुस रु ५० निर्धारण गरिएको छ।

त्यस्तै, रायोसाग रु ४०, पालुङ्गो रु ६०, चमसुरको साग रु ७०, तोरीको साग रु ६०, हरियो प्याज रु १२०, च्याउ (कन्य) रु २३०, च्याउ (डल्ले) रु ४००, राजा च्याउ रु ३०० तथा सिताके च्याउ प्रतिकिलो रु १,००० तोकिएको छ।

कुरिलो रु ३५०, निगुरो रु १००, ब्रोकाउली रु १००, चुकन्दर रु ६०, सजीवन रु २००, रातो बन्दा रु ४०, जिरीको साग रु १००, सेलरी रु १५०, पार्सले रु ३५०, सौफको साग रु ८०, पुदिना रु २००, गान्टेमूला रु ६०, इमली रु १८०, तामा रु १६०, तोफु रु १६० तथा गुन्द्रुक रु ३५० कायम गरिएको छ।

फलफूलतर्फ स्याउ (फुजी) प्रतिकिलो रु ३००, केरा (नेपाली) दर्जन रु २००, केरा (मालभोग) रु २२०, कागती रु २००, अनार रु ४२०, आँप (मालदह) रु ९०, आँप (दशहरी) रु १२०, तरबुजा रु ५०, जुनार रु २२०, भुइँकटहर प्रतिगोटा रु २००, काँक्रो (लोकल) रु ९०, काँक्रो (हाइब्रिड) रु ३०, काँक्रो (लोकलक्रस) रु ८०, रूखकटहर रु ५०, नासपाती (चाइनिज) रु २५०, मेवा (नेपाली) रु ९०, मेवा (भारतीय) रु १००, लिची (लोकल) रु १५०, लिची (भारतीय) रु ३००, नरिवल (काँचो) रु ८० तथा नरिवल (हरियो) रु १७० निर्धारण गरिएको छ।

त्यस्तै, अदुवा रु २३०, सुकेको खुर्सानी रु ५००, खुर्सानी हरियो (लाम्चो) रु ५०, खुर्सानी हरियो (बुलेट) रु ४०, माछे खुर्सानी रु ६०, अकबरे खुर्सानी रु ३००, भेडेखुर्सानी रु १३०, हरियो लसुन रु २००, हरियो धनियाँ रु १२०, लसुन सुकेको (चाइनिज) रु २२०, लसुन सुकेको (नेपाली) रु १८०, माछा सुकेको रु १,०००, ताजा माछा (रहु) रु ३४०, ताजा माछा (बचुवा) रु ३०० तथा ताजा माछा (छडी) रु २६० तोकिएको छ।