जैमिनी (बागलुङ) । राष्ट्रिय जनमोर्चाका केन्द्र्रीय सल्लाहकार आनन्द शर्मा तथा शुभेच्छुक उपेन्द्र शर्मा, नेत्रनाथ शर्मा, योगराज उपाध्यायकी आमा तथा राजमो केन्द्रीय सदस्य सुधा शर्मासमेतकी सासूआमा कौशिलादेवी पाध्याको स्मृतिमा शोकसभा सम्पन्न भएको छ ।
राजमो बागलुङको आयोजनामा २०८३ जेठ ३१ गते निवासस्थान जैमिनी नगरपालिका–७ भडारमा सो कार्यक्रम सम्पन्न भएको हो ।
कार्यक्रममा राजमो केन्द्र्रीय सदस्य गौरीश्वर पाण्डे र राजमो बागलुङका जिल्ला अध्यक्ष तिलक थापाले शोकमन्तव्य राख्नुभएको थियो ।
राजमाे बागलुङका सचिव भीमलाला पाेखरेलको सञ्चालनमा अघि बढेको उक्त कार्यक्रममा राजमो केन्द्रीय सल्लाहकार तथा जिल्ला समन्वय समिति बागलुङका प्रमुख अमर थापा, राजमो गण्डकी प्रदेश उपाध्यक्ष धर्म कुँवर, राजमो बागलुङका सचिवालय सदस्य थानेश्वर सुवेदी, जिल्ला समितिका सदस्य डिलबहादुर श्रीसलगायतको उपस्थिति रहेको थियो ।
ब्रेन ह्यामरेजका कारण उपचारकै क्रममा स्मृतिशेष कौशिलादेवीको जेठ २३ गते त्रिवि टिचिङ अस्पतालमा निधन भएको थियो । जेठ २४ गते जैमिनीको कालीगण्डकी किनार सुम्सा दोबिल्लाघाटमा उहाँको दाहसंस्कार गरिएको थियो ।
स्मृतिशेष कौशिलाको परिवारमा चार भाइ छोरा, चार बुहारी, पाँच नाति र दुई नातिनी रहेका छन् । पति विष्णुदत्त पाध्याको केही वर्षअघि निधन भइसकेको छ ।
