काठमाडौँ । नेपाल राष्ट्र बैंकले शनिबारका लागि विदेशी मुद्राको विनिमयदर सार्वजनिक गरेको छ। आज अमेरिकी डलर, पाउन्ड स्टर्लिङ, अस्ट्रेलियन डलर, कुवेती दिनार र बहराइन दिनारसहित अधिकांश विदेशी मुद्राको मूल्य घटेको छ।
राष्ट्र बैंकका अनुसार अमेरिकी डलर एकको खरिददर रु १५१.८८ र बिक्रीदर रु १५२.४८ कायम गरिएको छ। अघिल्लो दिन यसको खरिददर रु १५२.९२ र बिक्रीदर रु १५३.५२ रहेको थियो। यसअघि जेठ ७ गते अमेरिकी डलर हालसम्मकै उच्च विन्दुमा पुग्दै खरिददर रु १५४.६२ र बिक्रीदर रु १५५.२२ कायम भएको थियो।
त्यसैगरी, युरो एकको खरिददर रु १७५.८० र बिक्रीदर रु १७६.५० निर्धारण गरिएको छ। पाउन्ड स्टर्लिङको खरिददर रु २०३.७५ र बिक्रीदर रु २०४.५४ कायम गरिएको राष्ट्र बैंकले जनाएको छ।
अस्ट्रेलियन डलर एकको खरिददर रु १०६.९२ र बिक्रीदर रु १०७.३५ तोकिएको छ भने कुवेती दिनारको खरिददर रु ४९४.३२ र बिक्रीदर रु ४९६.२७ कायम गरिएको छ। यस्तै, बहराइन दिनारको खरिददर रु ४०२.७८ र बिक्रीदर रु ४०४.३८ निर्धारण गरिएको छ।
राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने विनिमयदर फरक हुन सक्ने र अद्यावधिक दर राष्ट्र बैंकको वेबसाइटमा उपलब्ध रहने उल्लेख गरेको छ।
