काठमाडौँ । अमेरिकी विदेश मन्त्रालयको सार्वजनिक कूटनीतिसम्बन्धी उपविदेशमन्त्री सारा बी रोजर्स नेपाल भ्रमणमा आएकी छिन् । रोजर्स तीनदिने भ्रमणका लागि काठमाडौँ आइपुगेकी हुन् ।

२०८३ चैत १३ गते बालेन्द्र शाह नेतृत्वको सरकार गठनपछि नेपाल भ्रमण गर्ने उनी अहिलेसम्मकै सबैभन्दा वरिष्ठ अमेरिकी कूटनीतिज्ञ हुन् ।

होटल अलाफ्टमा जारी एसेन्ट समिटमा प्रमुख अतिथिको रूपमा सहभागी उनले नेपाल सरकारका उच्च अधिकारी, अमेरिकन चेम्बर अफ कमर्सका सदस्य र अमेरिकी विदेश मन्त्रालयका विभिन्न कार्यक्रमका पूर्व–सहभागीसँग भेटघाट गर्ने कार्यक्रम रहेको बताइएको छ ।

भ्रमणका क्रममा उनले पाटन दरबार स्क्वायर र अमेरिकी राजदूत सांस्कृतिक संरक्षण कोषअन्तर्गतका सातओटा सम्पदा स्थलहरूको अवलोकन गर्ने कार्यक्रम रहेको छ ।