गुल्मी, ९ जेठ । ‘संविधान संशोधन, गणतन्त्रको रक्षा तथा राष्ट्रियता’ विषयलाई केन्द्रमा राखेर राष्ट्रिय जनमोर्चा जिल्ला समिति गुल्मीले अन्तरक्रिया कार्यक्रम आयोजना गर्ने भएको छ । यही जेठ १० गते तम्घासको मझेरी एग्रो रिसोर्टमा सम्पन्न भएको हो ।
“गणतन्त्र तथा राष्ट्रियताको रक्षा गरौँ, संघीयता खारेज गरौँ” भन्ने नारासहित आयोजना हुन लागेको कार्यक्रम जेठ १० गते दिउँसो १ बजे सञ्चालन हुने आयोजकले जनाएको छ ।
कार्यक्रममा राष्ट्रिय जनमोर्चाका नेता सुरेश थापाको प्रमुख आतिथ्यता रहनेछ । साथै जिल्लास्थित विभिन्न राजनीतिक दल, पेशागत तथा सामाजिक संघसंस्थाका प्रतिनिधिहरूको समेत सहभागिता रहनेछ ।
आयोजकका अनुसार कार्यक्रममा नेकपा एमाले जिल्ला समिति गुल्मी, नेपाली कांग्रेस, नेपाली कम्युनिस्ट पार्टी, नेपाल कम्युनिस्ट पार्टी (माओवादी), नेपाल क्रान्तिकारी कम्युनिस्ट पार्टी, जिल्ला बार एसोसिएशन, उद्योग वाणिज्य संघ, नागरिक समाज, जिल्ला बाल संगठन, मानव तथा शान्ति समाज, जिल्ला सहकारी संघ, च्याम्बर्स अफ कमर्श तथा गुल्मीका सम्पूर्ण पत्रकारहरूको सहभागिता रहनेछ ।
राष्ट्रिय जनमोर्चाले वर्तमान राजनीतिक परिस्थिति, संविधान संशोधनको बहस र राष्ट्रियताको प्रश्नमा व्यापक जनबहस आवश्यक रहेको भन्दै कार्यक्रममार्फत विभिन्न पक्षका धारणा संकलन गरिने जनाएको छ ।
