भरतपुर । अखिल नेपाल जनजाति सम्मेलन चितवनको प्रथम जिल्ला अधिवेशन आगामी २०८३ साउन २४ गते हुने भएको छ ।
सम्मेलनका जिल्ला अध्यक्ष जितबहादुर थापाको अध्यक्षता जेठ २ गते शनिबार बसेको बैठकले सो निर्णय गरेको हो ।
बैठकले अधिवेशन सम्पन्न गर्नका लागि जिल्ला अध्यक्ष थापाकै संयोजकत्वमा ३१ सदस्यीय आयोजक समिति गठन गरेको जानकारी दिइएको छ ।
अधिवेशनपूर्व नगर भेला, नगर अधिवेशन गरी प्रतिनिधि, पर्यवेक्षक छनोट गर्ने, सँगसँगै प्रशिक्षण र सदस्यता वितरण गरिने भएको छ ।
त्यस्तै अधिवेशन सम्पन्न गर्न जितबहादुर थापाको संयोजकत्वमा आर्थिक उपसमिति गठन गरिएको छ । समितिको सदस्यमा लालबहादुर थापा, सूर्यबहादुर थापा र पदमबहादुर थापा रहनुभएको छ ।
एवम् प्रकारले सूर्यबहादुर थापा संयोजक, सदस्य जङ्गबहादुर थापा र लालबहादुर थापासहितको प्रचारप्रसार समिति, जितबहादुर थापा संयोजक र सदस्य लालबहादुर थापा, कुमारी थापा र सूर्यबहादुर थापा रहनुभएको व्यवस्था समिति गठन गरेको छ ।
अधिवेशनमा राजनीतिक तथा साङ्गठनिक प्रतिवेदन र आर्थिक प्रतिवेदनसमेत प्रस्तुत हुने बताइएको छ ।
