पथलैया । राष्ट्रिय जनमोर्चा बाराले संविधान संशोधनको सन्दर्भमा गणतन्त्र र राष्ट्रियता विषयमा अन्तरक्रिया कार्यक्रम सम्पन्न गरेको छ ।
अखिल नेपाल महिला सङ्घकी अध्यक्ष मीना पुनको प्रमुख आतिथ्यमा २०८३ जेठ ३ गते सो कार्यक्रम सम्पन्न भएको हो ।
सो अवसरमा प्रमुख अतिथि पुनले संविधान संशोधनको सन्दर्भमा गणतन्त्र र राष्ट्रियताको अत्यन्तै गम्भीर महत्त्व रहने धारणा व्यक्त गर्नुभयो ।
उहाँले भन्नुभयो– ‘यदि गणतन्त्र र राष्ट्रियताको रक्षा हुँदैन भने त्यस्तो संविधान संशोधनको औचित्य हुँदैन । त्यसैले गणतन्त्र र राष्ट्रियताको रक्षालाई केन्द्रमा राखेर नै संविधान संशोधन गरिनुपर्दछ ।’
अध्यक्ष पुनले सङ्घीयताको खारेजीले लोकतन्त्र तथा राष्ट्रियताको रक्षा र सुशासनमा समेत मदत पुग्ने भएकाले यस विषयमा ध्यान दिइनुपर्ने विचार व्यक्त गर्नुभयो ।
कार्यक्रममा नेपाली कङ्ग्रेस बाराका जिल्ला सदस्य हरि थपलिया, नेकपा (एमाले) का नगर प्रतिनिधि झपेन्द्र बराल र नेपाली कम्युनिस्ट पार्टीका केन्द्रीय सदस्य भरत खड्काले आआफ्नो धारणा राख्नुभएको थियो ।
सो अवसरमा अखिल नेपाल बुद्धिजीवी सङ्घका हिमालचन्द्र गौतम र राजमो नेता भीम केसीले पनि मन्तव्य राख्नुभएको थियो ।
शेरबहादुर कार्कीको सञ्चालन तथा रमेशकुमार भट्टराईको अध्यक्षतामा अघि बढेको उक्त कार्यक्रममा सहभागीलाई बालकृष्ण शर्माले गर्नुभएको थियो ।
कार्यक्रममा उठेका जिज्ञासाको उत्तर प्रमुख अतिथि पुनले दिनुभएको थियो ।
