काठमाडौँ । आगामी जेठ १६ गते काठमाडौँको जमलस्थित राष्ट्रिय नाचघरमा आयोजना हुन थालेको ‘रक्तिम विशेष साँझ’को तयारीको लागि देशका विभिन्न जिल्लाबाट कलाकारहरू काठमाडौँमा पुगिरहेका छन् ।
रक्तिमका महासचिव हेमराज आश्रमले दिनुभएको जानकारी अनुसार तयारीको पहिलो दिन आज शनिबार कुन कुन कार्यक्रम प्रस्तुत गर्ने भन्ने बारेमा टुङ्गो लागेको छ । कलाकारहरूलाई गुल्मी आएका हरि सर्तुङ्गी र नवलपुरबाट आएकी कमला क्षेत्रीले नृत्य प्रशिक्षण दिएको आश्रमले बताए ।
हालसम्म हरि सर्तुङ्गी (गुल्मी), कमला क्षेत्री (नवलपुर), विजय घर्ती (अर्घाखाँची), रमेश पुन (गुल्मी), पल्लव रानामगर (बाग्लुङ), उत्सव पुन (दाङ), विश्वराज शाही (कालिकोट), स्वर्णीम थापा (दाङ), क्रिष्टिना राई (सुनसरी), संगिता महतरा (प्यूठान), क्रिस्टिना राई (सुनसरी), सिर्जना पुन (रुपन्देही), आरती सुर्यवंशी (रुपन्देही), विकाश वलामी (रुपन्देही), दीप गोले (रौतहट), मानबहादुर नेपाली (कपिलवस्तु), सविन अर्गेजा (बाग्लुङ), हेमराज आश्रम (काठमाडौँ), गिरीप्रसाद बुढा (रुकुम पश्चिम) लगायतको उपस्थिति रहेको छ ।
आश्रमका अनुसार अझै पनि देशका विभिन्न जिल्लाहरूबाट कलाकारहरू आउने क्रम जारी छ ।
‘रक्तिम विशेष साँझ’को देशका विभिन्न स्थानमा हुने भएकाले पूर्व निश्चित कतिपय स्थानको मिति परिवर्तन भएको छ । जस्मा : काठमाडौँ जेठ १६ गते, चितवन जेठ १७ गते, बाग्लुङ जेठ २३ गते, पोखरा जेठ २४ गते, गुल्मी जेठ ३० गते, अर्घाखाँची जेठ ३१ गते, प्युठान असार ६ गते, रोल्पा असार ७ गते, बुटवल असार १३ गते निश्चित भएको छ । देशका अन्य स्थानको मिति निश्चित गर्न बांकि रहेको आश्रमले बताए ।
‘रक्तिम विशेष साँझ’को अवसरमा वरिष्ठ कम्युनिष्ठ नेता मोहनविक्रम सिंहद्वारा रचित ‘युग बोल्छ’ नाटकको पनि तयारी भइरहेको महासचिव हेमराज आश्रमले जानकारी दिए ।
हेमराज आश्रम संयोजक रहनुभएको प्रचारप्रसार समितिको बैठक आज साँझ बस्ने तयारी भइरहेको छ ।
