चितवन । राष्ट्रिय जनमोर्चा जिल्ला समिति चितवनको आयोजनामा होटल ग्लोवलमा अन्तरक्रिया कार्यक्रम सम्पन्न भएको छ ।
कार्यक्रम राष्ट्रिय जनमोर्चाका महासचिव मनोज भट्टको प्रमुख आतिथ्यतामा सम्पन्न भएको हो । भट्टले अवधारणा पत्रमा उठेका विषयमा प्रष्ट्याउनु भएको थियो । त्यसका साथै उहाँले देशमा निर्दलीय सरकार सञ्चालन भएको र त्यसले संविधानलाई आफ्नो अनुकुल बनाउनु खोजीरहेको बताउनु भयो ।
कार्यक्रम बिष्णु पौडेलको सञ्चालन तथा जिल्ला अध्यक्ष अमर बहादुर क्षेत्रीको अध्यक्षताबाट अगाडि बढेको थियो । कार्यक्रममा सहभागिहरूलाई देवी शर्माले स्वागत गर्नुभएको थियो ।
कार्यक्रममा राष्ट्रिय जनमोर्चाका केन्द्रीय सदस्य डम्वर पुरीले अबधारणा पत्र प्रस्तुत गर्नुभएको थियो ।
अवधारणा पत्रमाथि विभिन्न राजनैतिक पार्टीका वक्ताहरूले टिप्पणी गरेका थिए । जसमा साहित्यका डि.आर पोखरेल, अखिल नेपाल भूमिहीन सुकुम्बासी संघका रुद्र गुरुङ, नेकपा बहुमतका सुमन श्रेष्ठ, नेकपा माओवादीका राजेन्द्र ढकाल, जिल्ला समन्वय समितिका सदस्य कृष्णभक्त भट्टराई, क्रान्तिकारी कम्युनिस्ट पार्टी नेपालका घनस्याम सापकोटा, नेपाली कम्युनिस्ट पाटीका राम प्रकाश अधिकारी, नेकपा एमालेका कमल पाठक, नेपाली कांग्रेसका धुर्व पोखरेल थिए ।
