तौलिहवा । अखिल नेपाल जनजाति सम्मेलन कपिलवस्तुको पाँचौँ जिल्ला अधिवेशन आगामी २०८३ साउन ३० र ३१ गते कपिलवस्तु जिल्लाको चन्द्रौटामा सम्पन्न हुने भएको छ ।
केन्द्रीय अध्यक्ष निमबहादुर बुढाथोकीको उपस्थितिमा वैशाख २० गते गोरुसिङ्गेमा बसेको जिल्ला समितिको बैठकले सो निर्णय गरेको हो ।
बैठकले अधिवेशनपूर्व जिल्लाअन्तर्गतका बुद्धभूमिमा साउन २ गते, बाणगङ्गामा साउन ३ गते र शिवराजमा साउन ९ गते नगर अधिवेशन गर्ने निर्णय भएको सम्मेलनले जानकारी दिएको छ ।
त्यस्तै विजयनगर गाउँपालिका, कृष्णनगर नगरपालिका, महाराजगञ्ज नगरपालिकामा भने भेला गर्ने निर्णय भएको पनि बताइएको छ ।
एवम् प्रकारले जिल्ला अधिवेशनमा मायादेवी गाउँपालिका, शुद्धोधन नगरपालिका, यशोधरा गाउँपालिका र कपिलवस्तु नगरपालिकाबाट प्रतिनिधित्व गराइने पनि जानकारी दिइएको छ ।
जिल्ला अधिवेशनको तयारीस्वरूप सदस्यता वितरण, समिति गठन/पुनर्गठन, प्रशिक्षण, जनभेटघाटजस्ता कार्यक्रम सम्पन्न गर्ने योजना बनेको पनि आयोजकले बताएको छ ।
