नवलपरासी (पश्चिम)। राष्ट्रिय जनमोर्चा नवलपरासी (स.सु.प.) सदस्य तथा अखिल नेपाल किसान महासंघ नवलपरासी जिल्ला समिति सदस्य का.गणेश आचार्यको निधन भएको छ । त्रिवेणी घाटमा दासंस्कार पछि श्रद्धाञ्जली कार्यक्रम सम्पन्न गरिएको छ ।
स्मृति शेष क. गणेश आचार्यलाई राष्ट्रिय जनमोर्चा लुम्बिनी प्रदेश सदस्य क. तिलक प्रसाद सुवेदीले राष्ट्रिय जनमोर्चा को झण्डा ओढाउनु भएको थियो ।
राष्ट्रिय जनमोर्चा जिल्ला सदस्य शोभा कान्त लामिछानेले गणेशको जिवनी सहित संगठनमा उहाँको योगदानको चर्चा पछि एक मिनेट मौनधारण समेत गरिएको थियो ।
कार्यक्रममा राष्ट्रिय जनमोर्चा जिल्ला अध्यक्ष, किसन बहादुर अधिकारी, सचिव ढुण्डिराज पोख्रेल सहित कार्यकर्ता, सदस्य, समर्थक, परिवारजन, आफन्तजन, ईष्टमित्र समाजिक व्यक्तित्वहरूको समेतको उपस्थिति रहेको थियो ।
क. गणेश आचार्य २०२९ साल भाद्र २९ गते बाग्लुङ जिल्ला जैमिनि १ कुस्मीसेरामा जन्मीनु भई नवलपरासी जिल्लामा २०४८ सालमा बसाइँ सराई गर्नुभएको थियो ।
राष्ट्रिय जनमोर्चा निकट विद्यार्थी संगठन अखिल (छैठौं) आवद्ध भै संगठनका कार्यक्रममा संलग्नता जनाउँदै आउनुभएको थियो । हाल बर्दघाट नपा वार्ड नं ४ दिव्यनगरमा बसोबास गर्दै आउनु भएको थियो । बैशाख २० गते आफ्नै घरमा मृत्यु भएको थियो । केही समय पहिलेदेखि उहाँ क्यान्सर रोगसँग लडदै आउनु भएको थियो। परिवारमा आमा, श्रीमती, दुई छोरा, एक बुहारी र एक नातीनी रहेका छन् ।
