काठमाडौँ । १९ मजदुर सङ्गठनले अन्तरक्रियासहित एक सय सैतिसौँ मजदुर दिवस मनाएका छन् ।
२०८३ वैशाख १८ गते तदनुसार मे १, २०२६ का दिन काठमाडौँको थापागाउँमा सो कार्यक्रम सम्पन्न भएको हो ।
अखिल नेपाल ट्रेड युनियन महासङ्घ (अन्टुक) का महासचिव लोकराज भुसालको सञ्चालन तथा नेपाल शिक्षक महासङ्घका अध्यक्ष लक्ष्मीकिशोर सुवेदीको अध्यक्षतामा अघि बढेको कार्यक्रमको पूर्वार्धमा विश्व ट्रेड युनियन महासङ्घ समन्वय समिति नेपालका अध्यक्ष प्रेमलकुमार खनालले ‘बदलिँदो परिस्थितिमा श्रमिक पेसाकर्मीको भूमिका र ट्रेड युनियन अधिकारको सुनिश्चिता’ विषयक अवधारणापत्र प्रस्तुत गर्नुभएको थियो ।
अवधारणापत्रमाथि केन्द्रित रहेर संविधानविद तथा वरिष्ठ अधिवक्ता डा. चन्द्रकान्त ज्ञवाली, कानुविज्ञ तथा अधिवक्ता शङ्कर सुवेदी र वरिष्ठ अधिवक्ता दिनेश त्रिपाठीले आआफ्ना धारणा राख्नुभएको थियो ।
नेपाल राष्ट्रिय कर्मचारी महासङ्घका अध्यक्ष मणिरत्न श्रेष्ठको सञ्चालन तथा अखिल नेपाल क्रान्तिकारी टे«ड युनियन महासङ्घका अध्यक्ष ईश्वरी तिमिल्सिनाको टिमको स्वागत गीतसँगै कार्यक्रम अघि बढेको थियो ।
सो अवसरमा अन्टुकका महासचिव धनपति सापकोटा, नेपाल ट्रेड युनियन फेडरेसनका अध्यक्ष मधु बिसी, राष्ट्रिय प्रजातान्त्रिक ट्रेड युनियन महासङ्घ नेपालका अध्यक्ष चिरागमान सिंह कुँवर, राष्ट्रिय प्रजातान्त्रिक ट्रेड युनियन महासङ्घका अध्यक्ष रामेश्वर श्रेष्ठ, नेपाल ट्रेड युनियन कङ्ग्रेसका अध्यक्ष कृष्ण अर्याल, एकीकृत ट्रेड युनियन महासङ्घ नेपालका अध्यक्ष विष्णुप्रसाद लम्साल, नेपाल बौद्धिक पेसाकर्मी महासङ्घका अध्यक्ष शरणकुमार गुरुङ, स्वतन्त्र ट्रेड युनियन महासङ्घका अध्यक्ष दलबहादुर विष्ट, नेपाल समाजवादी ट्रेड युनियन महासङ्घका अध्यक्ष विष्णु पौडेल, वैज्ञानिक समाजवादी ट्रेड युनियन महासङ्घका अध्यक्ष नरेन्द्र सरला, समाजवादी ट्रेड युनियन महासङ्घका अध्यक्ष अर्जुन लम्साल र मधेसी ट्रेड युनियन महासङ्घ नेपालमा अध्यक्ष पल्टन ठाकुरको आतिथ्य रहेको थियो ।
कार्यक्रमको पूर्वार्धमा सहिदको सम्मानमा मौनधारणसँगै राष्ट्रियगान र मजदुरगीत वाचन गरिएको थियो ।
