दाङ । सदरमुकाम घोराहीमा १३७औँ मजदुर दिबस र ४२औँ मित्रमणी स्मृति दिबस सम्पन्न भएको छ । अखिल नेपाल ट्रेड युनियन महासंघ अन्टुक नगर अध्यक्ष बुद्ध नेपालीको अध्यक्षता कार्यक्रम अगाडि बढेको थियो ।
कार्यक्रमका प्रमुख अतिथि राष्ट्रिय जनमोर्चा केन्द्रीय सदस्य तथा दाङका अध्यक्ष गणेश आचार्यले मजदुर दिवस र मित्रमणि आचार्यको ४२औँ स्मृति दिवसको महत्वबारे प्रशिक्षणात्मक मन्तव्य राख्नुभएको थियो ।
कार्यक्रममा अखिल नेपाल ट्रेड युनियन महासंघका जिल्ला सचिव कमल पन्थी, अखिल छैठौंका केन्द्रीय सदस्य तथा दाङका अध्यक्ष सेवक भट्टराई, अखिल नेपाल किसान महासंघ दाङ जिल्ला सचिव मनिराम खनाल, राष्ट्रिय जनमोर्चा जिल्ला सहसचिव कृष्ण राना, चन्द्र बहादुर रावत, मेघराज भट्टराई, अखिल नेपाल प्रगतिशील लेखक संघ लुम्बिनी प्रदेश उपाध्यक्ष सुरेश कुमार पाण्डे, अखिल नेपाल महिला संघ घोराही नगर अध्यक्ष हेमा पोखरेल, नगर सचिव खिमा परियार, अखिल नेपाली युवक संघ जिल्ला सदस्य सुभाष पुन, रक्तिम सांस्कृतिक परिवार घोराही, नगर अध्यक्ष उत्सव पुन लगायतले शुभकामना मन्तव्य राख्नुभएको थियो ।
पोषण नेपालीको स्वागत मन्तव्यबाट अगाडि बढेको उक्त कार्यक्रमको सञ्चालन अखिल छैठौंका जिल्ला सदस्य अर्जुन बस्नेतले गर्नुभएको थियो ।
